सरकार र ट्रेड युनियनबीचको सम्वन्ध, मजबुत हुनुपर्छ- केन्द्रीय सदस्य हुमागाईं

बनेपा/नेपाली काँगे्रसका केन्द्रिय सदस्य एवं पुर्व सांसद शिवप्रसाद हुमागाईंलाई नेपाल ट्रेड युनियन कांग्रेस काभ्रेले एक समारोहबीच बधाई तथा शुभकामनाबाट सम्मान गरेको छ ।

उक्त सम्मान ग्रहण गर्ने क्रममा केन्द्रीय सदस्य तथा ट्रेड युनियन संयोजक शिवप्रसाद हुमागाईले सरकार र ट्रेड युनियनबीच भएको सम्वन्धलाई लोकतान्त्रिक विधिबाट हिँडाउने प्रतिवद्धता व्यक्त गरेका हुन् । उहाँले यो अवसर र चुनौती काभ्रेली कांग्रेसको योगदान र बलिदानबाट प्राप्त भएको बताउँदै यसलाई थप संस्थागत गर्नका लागि आफ्नो गहकिलो भूमिका रहने उल्लेख गर्नुभयो । विश्वमा ट्रेड युनियनको महत्वपूर्ण भूमिका रहको चर्चा गर्दै सरकारले ट्रेड युनियनको भूमिका कमजोर पार्ने काम गरेको आरोप समेत हुमागाईंले लगाउनुभयो । उहाँले श्रमिक र ट्रेड युनियनसँग आवद्ध सबै संघ संस्थाको हितमा आफू जुनसुकै निर्णय गराउन पछी नहट्नेसमेत बताउनुभएको थियो ।
नेपाली कांग्रेसका केन्द्रीय सदस्य, पूर्व जिल्ला सभापाती पूर्व सांसद, कुशल संगठनकर्ता, प्रखर वक्ता शिवप्रसाद हुमागाईंलाई नेपाली कांग्रेसको श्रमिक तथा ट्रेड युनियन विभागको गरिमामय संयोजक पदमा मनोनित हुनु भएकोमा सो कार्यक्रमको आयोजना गरी बधाई तथा सम्मान व्यक्त गरिएको थियो ।

कार्यक्रममा नेपाल ट्रेड युनियन कांग्रेसका केन्द्रीय प्रवक्ता एवं अध्यक्ष खिलानाथ दाहाल, नेपाली कांग्रेसका काभ्रेका उपसभापतिद्वय अच्युत प्रसाद पौडेल र गोविन्दबहादुर थापा, कोषाध्यक्ष कृष्णपोगाल भैल, क्षेत्रीय सभापतिहरु रमेश प्रसाद हुमागाई र राम योञ्जन, ट्रेड युनियनका बाग्मती प्रदेश सचिव राजेश हुमागाई, नेपाल शिक्षक संघ वाग्मती प्रदेशका अध्यक्ष नारायण तिमल्सिना, नेपाल शिक्षक महासंघ काभ्रेका अध्यक्ष अश्विनप्रसाद चौलागाई, बेथाञ्चोक गाउँपालिकाका अध्यक्ष प्रेमबहादुर तिमल्सिना, कांग्रेस धुलिखेल नगर सभापति जितकृष्ण घिनांजू, नेपाल शिक्षक संघ काभ्रेका अध्यक्ष राजेशराज महत लगायतले टे«ड युनियन र सरकारले खेलेको नकारात्मक भूमिकाका बारेमा चर्चा गरेका थिए । नेपाल ट्रेड युनियन कांग्रेस काभ्रेका अध्यक्ष प्रेमराज शर्माको सभापतित्वमा भएको कार्यक्रमको सञ्चालन ट्रेड युनियन काभ्रेका सचिव नारायण सापकोटाले गर्नुभएको थियो ।