किशोरीहरुलाई स्वास्थ्य तथा सरसफाई किट वितरण

कपिलवस्तु/कपिलवस्तु जिल्लाको १८ स्थानहरुमा किशोरीहरुलाई स्वास्थ तथा मर्यादित किट केयर नेपालको सहयोगमा दलित सामाजिक विकास केन्द्रले वितरण गरिएको छ । कोभिड–१९ को महामारीवाट आफू बचौं र अरुलाई पनि बचाऔं भन्ने उद्धेश्यवाट किशोरीहरुलाई उक्त किटहरु वितरण गरिएको थियो ।
केयर नेपाल र दलित सामाजिक विकास केन्द्र कपिलवस्तुको संयुक्त साझेदारीमा संचालित ‘अब मेरो पालो’ कार्यक्रम अन्र्तगतका क्षेत्रमा स्थानिय जनप्रतिनिधीहरुको रोहबरमा किशोरीहरुलाई किट वितरण गरिएको थियो । जिल्लाको ६ वटा स्थानिय तह अन्तर्गत जम्मा ४ सय ३० जना किशोरीहरुलाई किटहरु वितरण गरिएको हो । ब्याग सहित वितरण गरिएको प्रत्येक किटमा जम्मा १९ थान दैनिक रुपमा प्रयोग हुने सामग्रीहरु रहेका छन् । प्रति किटमा १ थान टिसर्ट, सुरुवाल, दुपट्टा, काईंयो, साबुनदानी, २ थान कपडा धूने साबुन, १ थान टर्च, ब्रस दन्तमंजन, २ थान नुहाउने साबुन, १ थान सेनिटाईजर, सेनिटरी प्याड, रुमाल, १ सेट चप्पल लगायतका सामानहरु रहेका छन् ।
कृष्णा नगर न.पा. वडा नं १२ ठकुरापुरमा २६ जना, विजयनगर गाउँपालिका अन्तर्गत वडा नं. १ को जावाबैराठ मा १५ जना, वडा नं. २ को लोहरौलामा २६ जना, वडा नं. ३ को पथरदेइयामा २१ जना, जगदीशपुर डगडउवामा २६ जना, वडा नं. ५ को जुगुनियामा २७, डालपुरमा २७ जना किशोरीहरु किट प्राप्त गरेका छन् भने शिवराज न.पा. अन्र्तगत चन्दौटा, पर्सिया तथा लालपुरका गरी जम्म ७३ जना किशोरीहरुले किट प्राप्त गरेका थिए । बुद्धभूमि नगरपालिका अन्र्तगत वडा नं. २ को वडहरा, गोरु सिंहे तथा वडा नं. ६ को महुवा गरी जम्मा ९१ जनाले उक्त किट प्राप्त गरेका छन । महराजगञ्ज न.पा. अन्र्तगत महराजगञ्ज, औरहवा, पिपरी, उनवलिया, गैडवहवा मध्ये ७८ जनालाई किशोरी स्वास्थ मर्यादित किट वितरण गरिएको थियो ।
सामाग्री वितरणका लागि संस्थातर्फबाट संस्थाका अध्यक्ष राम शरण रैदास, उपाध्यक्ष संजय कुमार कोरी र सचिव मन्टु कोरी लगायत टिमले किट वितरण तथा सरोकारवालासँग सम्पर्क समन्वयमा भुमिका खेलेका थिए भने कार्यक्रम संयोजक गोविन्द धवल र अनुगमन तथा मुल्याकंन सुपरभाइजर संगिता चौरसियाले सामाग्री वितरणका लागि व्यवस्थापन कार्य गर्नुभएको थियो । यस संस्थाले किशोरीकिशोर, महिला, अपांगता भएका ब्यक्तिहरुको क्षेत्रमा नियमित रुपमा कार्य गर्दै आइरहेको छ ।