जनता समाजवादी पार्टीमा प्रवेश गर्नेको लर्काे

उर्मिला यादव
रुपन्देही/रुपन्देहीमा नेकपा र राप्रपा पार्टि परित्याग गरी जनता समाजवादी पार्टी नेपालमा प्रवेशको लर्को लागेको छ ।
पार्टी कार्यालय रुपन्देहीले संगठन विस्तार अभियानलाई निरन्तरता दिदै आएको छ । सोही क्रममा रुपन्देहीको रोहिणी गाउँपालिका ५ इम्लिहवाँ टोलमा नेपाल कम्युनिष्ट पार्टी (नेकपा) र राष्ट्रिय प्रजातन्त्र पार्टी (राप्रपा) परित्याग गर्नेहरुलाई गत बुधबार एक कार्यक्रमका बिच जसपामा प्रवेश गराइएको छ ।
उनीहरुलाई जसपाका केन्द्रीय सदस्य देवेन्द्र पाण्डे ‘सागर’, युवा नेता विद्या यादव, लगायतले पार्टीमा प्रवेश गराउनु भएको हो ।
यस्तै गरि गत बुधबार रोहिणी गाउँपालिका वडा नम्बर ५ इम्लिहवाँ टोलमा रोशन घर्तिको अध्यक्षतामा ९ पदाधिकारी सहित ४१ सदस्यीय टोल समिति गठन गरिएको छ । जसको उपाध्यक्षमा ज्ञानु घर्ति, अशोक हरीजन, हृदेश यादव, दान बहादुर घर्ति, चन्दा घर्ति सचिवमा राजकुमार घर्ति, सह–सचिवमा धनश्याम घर्ति ,कोषाध्यक्षमा कुन्ती घर्ति रहनुभएको युवा नेता विद्या यादवले जानकारी दिएका छन् ।