गुटको पात्र बनाएर दबाउने काम पाच्य हुन्न ः प्रवक्ता श्रेष्ठ

काठमाडौं । काभ्रेली समाज काठमाडौंलाई सम्बोधन गर्दै नेपाल कम्युनिष्ट पार्टी नेकपाका प्रवक्ता नारायणकाजी श्रेष्ठले कुनै पनि कार्यकर्तामाथि गुटको पात्र बनाएर दबाउने काम पाच्य नहुने बताउनुभएको छ ।
यदि कहिँकतै कार्यकर्तामाथि त्यस किसिमका विविधकारी नीति अख्तियार गरिएको पाइएमा पार्टी चुप लागेर नबस्ने समेत तर्क राख्नुभएको थियो । कार्यक्रममा नेपाल कम्युनिष्ट पार्टी नेकपाका स्थायी समिति सदस्य लिलामणि पोखरेलको कथन थियो– पार्टी निर्माणका क्रममा केही कमी कमजोरी हुन पुगेकै हो । यो शाश्वत सत्य पनि हो । नेतृत्वले संरक्षण गर्न नसकेकै हो । यसमा दुई मत छैन । पार्टी निर्माणका क्रममा महत्वपूर्ण पक्ष प्रशिक्षणमा पार्टी चुकेकै हो । त्यसैले यस किसिमको कमजोरीका बारेमा कार्यकर्ता तहबाट उठेका आवाजहरुलाई अब सम्बोधन गर्नुको विकल्प छैन ।
यो अवस्था रहँदारहँदै पनि कार्यकर्ता तहबाट खबरदारी गर्दै पार्टी संरक्षणमा लागिपर्नुहुने कार्यकर्ताप्रति सधंै पार्टी संवदेनशील रहनेछ भन्दै हिजो के भए, कसो भए त्यसलाई शक्तिमा रुपान्तरण गर्न कार्यक्षेत्रमा सरिक रहेका निष्ठावान् कार्यकर्ताहरु समर्पित हुनुहुनेछ भन्ने विश्वास हाम्रो छ । जुन जमघट हुने अवसर जुटाउनुभयो आयोजकहरुले त्यसको लागि तत्कालिन चौमका साथीहरुप्रति कृतज्ञता व्यक्त गर्दछु भन्नुभएको छ ।
काभ्रेली समाज काठमाडौंले जुन प्रयास गरेको छ, यो कम्युनिष्ट पार्टी निर्माणका लागि कोसेढुंगा सावित हुने अपेक्षा मैले राखेको छु । जसले राजनीतिक आन्दोलनलाई सशक्त रुपमा मलजल गर्नेछ भन्ने विश्वास म लगायत पार्टीले राखेको छ ।
उक्त कार्यक्रममा समाजसेवी एवं पूर्व चौम नेता दिलसुन्दर श्रेष्ठ, डा. भरत लामिछाने, गोपिकृष्ण थपलिया, युवा नेता सुरेन्द्र श्रेष्ठ, तेज पन्त, आइतसिं लामा, ई. जनक थापा लगायतका दर्जनौं उपस्थित अग्रजहरुले कार्यक्रमका बारेमा आ–आफ्नो धारणा राखेका थिए ।