रोगले भन्दा अघि भोकले कोहि नमरौं

काभ्रे (बनेपा) । महान् उद्देश्यका साथ नेपाली कांग्रेस बनेपाले सामाजका अग्रज युवाहरूको सहकार्यमा स्थापना गरेको फुडबैंकले एक पछि अर्को सफलता प्राप्त गरेको र बनेपा नगरका अत्यन्त न्यून आय भएका परिवारको भान्साहरुमा चुलो बाल्ने कोसिसमा केहि मात्रामा भएपनि नेपाली कांग्रेस बनेपा सफल भएको भान भएको छ भन्नूहुन्छ नेपाली कांग्रेस बनेपा नगर समितिका सचीव एबम फुड बैंक बनेपाका संयोजक महेश कुमार कर्माचार्य ।
जुन उद्देश्यसहित फुड बैंकको हामीले आरम्भ गरेका थियौं त्यसले विस्तारै गति लिँदै गएको पाएका छौं । बनेपा नगरभित्र निषेधाज्ञापछि जुन सन्त्रास छाएको थियो, निषेधाज्ञाले ति मजदुरहरुमा यो अभियानले मलमपट्टि लगाउने काम गरेको हुनुपर्छ । नितान्त मानवीय भावनाले स्थापना गरिएको फुड बैंकले यथार्थमै मानवीय सेवा पु¥याएको हाम्रो ठम्याई छ । बनेपा नगरका १४ वटै वडाभित्र रहेका विपन्न, कमजोर आर्थिक अवस्था भएका परिवारका साथै दैनिकी ज्याला मजदूरी गरेर साँझ बिहान छाक टार्नेहरुका लागि केही राहत पु¥याउने हाम्रो ठहर छ ।
पहिलो चरणमा वितरण गर्नकै लागि पनि झण्डै २१ लाख बराबरको आर्थिक भार बहन गर्नुपर्ने तथ्यांक हाम्रा सामु छ । त्यसलाई पारदर्शी ढंगबाट वितरण गर्नु हाम्रो दायित्व र लक्ष्य पनि हो । त्यसैले पनि वडाको सिफारिसमा स्वतन्त्र निष्पक्ष ढंगबाट प्राप्त सिफारिसको आधारमा वितरण गर्ने जमर्काे गरेका छौं । जसबाट यो मानवीय सेवामा सहयोग पु¥याउने दाताहरुलाई सन्तुष्टि मिल्ने विश्वास लिएका छौं । सयौं दाताहरुले जुन विश्वासका साथ फुड बैंकमा सहयोग गर्नुभएको छ, त्यो विश्वासलाई अझै गाढा बनाउने अठोटका साथ हामी मानवीय लागिरहेका छौं । यो विपद्को घडिमा जोसँग जे सकिन्छ त्यहीँबाट सहयोगको हात जुटाऔं र महामारीका विरुद्ध ऐक्यबद्धता जाहेर गरौं भन्ने अठोट हाम्रो टिमले लिएको संयोजक कर्माचार्यको तर्क छ ।
उहाँको थप कथन थियो– बनेपा नगरभित्र समितिले आँकलन गरेभन्दा धेरै पिडितहरु भेटिएको खुलासा गर्नुहुँदै राज्यले आफ्नो उपस्थिति नजनाइरहेको अवस्थामा स्थानीय युवाहरुको पहलमा जुन मानवीय कार्य सुरु गरिएको छ । त्यसबाट पिडितहरुले केही राहत महसुस गरेको हुनुपर्छ भन्ने निचोडमा समिति पुगेको उहाँले बताउनुभएको छ ।
यसैगरी फुड तथा मेडिसिन बैंकका अगुवा, हस्ति नेपाली कांग्रेस बनेपा नगर समितिका कोषाध्यक्ष सहकारी अभियन्ता अमन पोटेको तर्क छ– आपत्को घडिमा मानवीय सेवा पु¥याउनु नै ठूलो उपलब्धी हो । जुन लक्ष्यसहित हाम्रो टिम अगाडि बढ्ने जमर्काे ग¥यो, त्यो त्यति सहज थिएन तर आज जुन लक्ष्य प्राप्त गरेको छ, त्यसले मानवीय सेवामा लाग्नेहरुका लागि उर्जा प्राप्त भएको छ । त्यसमा तमाम मानवीय जनको अतुलनीय सहयोग भएको छ । जसका कारण केही दिनभित्रै पहिलो चरणको वितरण पूरा हुनेछ । वडा नं. १ देखि १४ सम्मको तथ्यांकलाई हेर्दा आर्थिक रुपमा निकै चुनौती नआएका होइनन् तर पनि विपन्न परिवारका लागि केही न केही राहत यो अभियानले मिल्यो भने विश्वास हामीले लिएका छौं । हामी यो महामारीका विरुद्ध निरन्तर रुपमा लागिरहने छौं । यसमा हाम्रो कुनै निजी स्वार्थ जोडिएको छ भने त्यो मानवीय स्वार्थ मात्रै हो । तसर्थ, फुड तथा मेडिसिन बैंकमा जोडिनुभएका प्रत्येक स्वाभिमानी हातहरुले सहयोग पु¥याउनेमा अझै हामी आशावादी छौं । विश्वास छ, यो महामारीमा कोही भोको बस्नुपर्ने छैन । यो हाम्रो प्रतिबद्धता हो ।
विगतमा हाम्रो टिमले यस्तै किसिमको मानवीय कार्य गरेको थियो । त्यसको प्रेरणाबाट यो अभियान अगाडि बढाएका छौं । यदि कोहि पिडित छुट्न पुग्नुभएको छ भने सोझै समितिमा आफ्नो पिडा राख्न सक्नुहुन्छ, हामी निस्वार्थ सहयोग गर्ने अठोटका साथ सेवामा आएका छौं । आशा छ, बनेपा नगरभित्र आश्रितले भोको रहनुपर्ने छैन । यो हाम्रो टिमको मानवीय प्रतिबद्धता पनि हो । त्यसैले पनि सहयोगी हातहरु एकपछि अर्काे गर्दै बढिरहेका छन् । ति सयौं सहयोगी हातहरुप्रति आभारी छौं हामी । आगामी दिनमा पनि यस्तै किसिमको सहयोगको अपेक्षा राख्छौं भन्नुहुन्छ ने.का. नगर कोषाध्यक्ष पोटे ।
मंगलबार साँझसम्म ५ सय घरपरिवारलाई राहत वितरण गरिसकेको र आगामी हप्तासम्म बाँकी पिडितहरुलाई राहत उपलब्ध गराइसक्ने फुड बैंकका सञ्चालकले जनाएका छन् । राहत ग्रहण गर्ने पिडितहरुको कुनै पनि अभिलेख सार्वजनिक नगर्ने निर्णय अनुसार कुनै पनि शुभचिन्तकहरुले फोटो खिचे पनि सार्वजनिक नगर्न फुड तथा मेडिसिन बैंकले आग्रह गरेको छ । सोही अनुसार यो पंक्तिकारले पनि राहत ग्रहण गर्ने महानुभावहरुको आत्मसम्मानमा ठेस नपुगोस् भन्नाका खातिर फोटोहरु नराख्ने निर्णयमा पुगेका छौं ।