सामन्तवाद नेपाली जनताले बडारेका छन् ः प्रमुख सचेतक गुरुङ

काभ्रे । खानीखोला गाउँपालिकामा स्थायी बसोबास रहेर शहरका विभिन्न स्थानमा व्यवसाय गर्ने माओवादी केन्द्रका आफ्ना कार्यकर्ताहरुको भेलालाई सम्बोधन गर्न बनेपा आइपुग्नुभएका नेकपा माओवादी केन्द्रका प्रमुख सचेतक एवं स्थायी समिति सदस्य देवप्रसाद गुरुङले संघीय गणतन्त्र सिध्याउने खेलमा लागेका सामन्तहरुलाई नेपाली जनताले घुँडा टेकाएको चर्चा गर्नुहुँदै अब नेपालबाट सदाका लागि सामन्तवाद अन्त भएको खुलासा समेत गर्नुभयो ।
१० वर्षे जनयुद्धको बलमा उठेको १९ दिने जनआन्दोलनबाट सिमित उपलब्धीको हत्या गर्ने सामन्तहरुको योजना असफल भएको छ । नेपाली जनताले साम्राज्यवादीहरुलाई नेपालीको स्वाभिमान देखाइदिएका छन् । विदेशी दलाल पूँजीवादीको अस्तित्व मेटाउने किसिमको इतिहास दर्ज गरेका छन् । राष्ट्रिय स्वाधिनको उच्च नमूना पेश भएको छ । जसका कारण एकाधिकारी पूँजीवादीहरुको छिनाझम्टीले घाइते बन्न पुगेको यो मुलुकले एक पटक फेरि राहत महसुस गरेको छ भन्नुहुँदै सचेतक गुरुङ थप्नुहुन्छ– यस किसिमको खेलले माओवादी पार्टीपंक्ति निर्माणमा केही सुस्तता छाएको यथार्थ हो । अब विगतबाट पाठ सिकेर वर्तमानमा कसरी अगाडि बढ्ने सवालमा माओवादी कार्यकर्ता निपुण नै छन् । जाइ लाग्ने माथि आइ लाग्न सिकाउन पर्दैन । तसर्थ संगठन सुदृढीकरणका लागि आवश्यक पर्ने कुनै पनि संयन्त्र प्रयोग गर्न पछि पर्ने अवस्था नरहेको धारणा राख्नुहुँदै प्रतिगमनका नाइकेहरुले कम्युनिष्ट आन्दोलनलाई चोटिलो धक्का पु¥याएता पनि त्यसबाट पाठ सिक्दै देशभक्त जनतान्त्रिक क्रान्तिकारी धारहरु ध्रवीकरण हुँदै बृहत् वाम एकता वा कार्यगत एकता मार्फत् राज्य संयन्त्रलाई अगाडि बढाउने दायित्व माओवादीको काँधमा फेरि पनि आएको छ । पार्टी एकतालाई प्रमुख प्राथमिकतामा राखेर जानुको विकल्प नभएको बताउनुभएको छ ।
कम्युनिष्ट इतिहासमा ओलि विदेशी दलाल मात्र सावित भएनन्, सदाको लागि यो मुलुकबाट त्यो प्रवृत्तिको अवशान भएको छ । नेपाली जनताले कसरी स्वाधिनको रक्षा गर्छन् भन्ने पाठ ओलिलाई पढाइदिएका छन् । अबको बाटो समाजवाद उन्मुख क्रान्ति नै हो । जनवादी क्रान्ति हुँदै समाजनवाद उन्मुख साँस्कृतिक क्रान्तिको अभियानमा लाग्न नेता गुरुङले कार्यक्रममा सहभागी कार्यकर्ताहरुलाई निर्देशन समेत दिनुभएको छ ।