गजल

म आगो हुँ पोल्न सक्छु हेक्का रहोस्
बहिरा कान मोल्न सक्छु हेक्का रहोस।

कर्तब्य र अधिकार मैले बुझेकी छु
छुच्चो मुख खोल्न सक्छु हेक्का रहोस्।

छोपिएका मेरा आँखा खुल्न थालेका छन्
काला कर्तुत खोल्न सक्छु हेक्का रहोस् ।

सूर्य भेट्न पृथ्वी निरन्तर हिंडिरहे झैं
क्याक्टस जङ्गल छिचोल्न सक्छु हेक्का रहोस् ।

तिम्रा काला कर्तुतहरु लुकाएर बनाएका
गलत योजना विथोल्न सक्छु हेक्का रहोस्।

तिला लेकाली
बेलबारी, मोरङ