श्री काँठु गणेश साकोसको १८ औँ साधारण सभा

बिपशना शाक्य
बनेपा । सहकारीहरुको बिचमा छुट्टै पहिचान राख्न सफल श्री काँठु गणेश बचत तथा सहकारी संस्था लि. ले आफ्नो स्थापनाको १८औं साधारणसभा एक समारोहको बिच आज सम्पन्न गरेको छ ।

साधारणसभालाई समापन गर्दै बनेपाकै प्रतिष्ठित बौद्धिक एवं व्यवसायिक व्यक्तित्व योगेन्द्रनाथ कर्माचार्यले काँठु गणेश साकोसले जुन किसिमको सेवा प्रवाह गरेको छ, त्यो सामाजिक रुपमा अनुकरणीय रहेको शेयर सदस्यहरुले मनन् गरेका छन् । जुन किसिमको सकारात्मक प्रभाव पुगेको छ, त्यसलाई निरन्तरता दिन सक्नु नै ठूलो उपलब्धीका रुपमा हामीले लिनुपर्ने बताउनुभएको छ ।

श्री काँठु गणेश बचत तथा ऋण सहकारी संस्था लि. बनेपाको आर्थिक वर्ष २०७७÷२०७८ मा कुल सदस्य संख्या १ हजार ४ सय २०, कुल शेयर पुँजी एक करोड छैसठ्ठि लाख छयालिस हजार, कुल बचत आठ करोड दुई लाख पाँच हजार दुई सय छब्बिस रुपैँया र तेह्र पैसा, कुल कर्जा आठ करोड उनान्नअस्सी लाख चौतिस हजार दुई सय छब्बिस, कुल आम्दानी एक करोड तेत्तिस लाख पचासी हजार सात सय तेह्र रुपैँया र छयत्तर पैसा भई कुल सम्पत्ती दश करोड उनान्अस्सी लाख अस्सी हजार एक सय पन्ध्र रुपैँया र एकसठ्ठि पैसा रहेको प्रतिवेदनमा उल्लेख गरिएको थियो ।

कार्यक्रममा संस्थाका अध्यक्ष त्रिरत्न राजबहक, सचिब हरि गोपाल मानन्धरले आ.व २०७७÷२०७८ को वार्षिक प्रगति प्रतिवेदन तथा आ.व २०७८÷२०७९ को लागि बार्षिक योजना सहित प्रतिवेदन, कोषाध्यक्ष निर्मल मुस्याजुले आ.व २०७७÷२०७८ आर्थिक प्रतिवेदन तथा आ.व २०७८÷२०७९ को अनुमानित बजेट र लेखा सुपरिबेक्षण समितिका संयोजक श्री दिपेन्द्र श्रेष्ठले लेखा सुपरिबेक्षण समितिको प्रतिवेदन पेश गर्नु भएको थियो । उक्त साधारण सभामा कोरोना संक्रमणलाई मध्यनजर गर्दै शेयर सदस्यहरुको उपस्थितिलाई न्यूनिकरण गर्दै संस्थाका पदाधिकारी, उप समितिका पदाधिकारीहरुको उपस्थिति रहेको थियो ।

कार्यक्रमको संस्थाको सभापतित्व अध्यक्ष त्रिरत्न राजबाहकले गर्नुभएको थियो । साधारण सभा असोज १४ गते देखि असोज १६ गते सम्म भएको थियो ।