रगत अभावले अब कसैले पनि मृत्युवरण रोज्नुपर्ने छैन ः संयोजक ढुंगाना

काभ्रे । सुविधा सम्पन्न रक्तसञ्चार सेवा केन्द्रको पर्खाईमा रहेका काभ्रेलीजनहरुका लागि नेपाल रेडक्रस सोसाइटी काभ्रे शाखाले सो क्षेत्रका लागि अनुकरणीय फड्को पार गरेको छ । गतहप्ता मात्रै ब्लड कम्पोनेण्ट मेसिन भित्र्याएर खुशी साटेको छ । अब काभ्रे आसपासका बिरामीहरुका लागि ब्लड फ्याक्टरको अभाव हुने छैन । उपत्यकाको मुख ताक्नुपर्ने पिडाबाट उन्मुक्ति प्राप्त भएको छ । जुन किसिमको झन्झट र ट्राफिक अस्तव्यस्तताले रगतको अभावमा बिरामीको मृत्युवरण हुनुपर्ने अवस्था आउने छैन ।
लामो समयदेखि काभ्रे आसपासका बिरामीहरुको चाहनालाई नेपाल रेडक्रस सोसाइटीले रक्त सञ्चारको क्षेत्रमा सम्बोधन गर्ने जमर्काे गरेको छ । जसको श्रेय सम्पूर्ण रेडक्रसकर्मीमा जान्छ भन्ने हुन्छ नेरेसो काभ्रे शाखाका संयोजक नारायण ढुंगाना । उहाँका अनुसार अब काभ्रे आसपासका बिरामीहरुले कुनै पनि फ्याक्टरको रगत अभावको महसुस गर्नुपर्ने छैन । त्यसका लागि दातृ निकायहरुको सहयोगमा रेडक्रसले ब्लड कम्पोनेण्ट मेसिन उपलब्ध भएको छ । दुई वटा मेसिनको लागत हेर्ने हो भने रेडक्रसले तत्काल व्यवस्था गर्नसक्ने अवस्था थिएन नै तर दाताहरुको प्रयासबाट यो सम्भव भएको छ । यसका लागि होस्तेमा हैंसे गर्नुहुने सम्पूर्ण सम्बन्धित सरोकारवाला पक्ष र रेडक्रस प्रेमीप्रति नेरेसो काभ्रे शाखा आभार व्यक्त गर्दछ । आगामी दिनमा यस्तै किसिमका निरन्तर सहयोगको समेत अपेक्षा राख्दछु भन्नुहुन्छ संयोजक ढुंगाना ।
ब्लड कम्पोनेण्ट मेसिनका सवालमा प्रशासन प्रमुख त्रिरत्न राजबाहकको कथन छ– सबै दृष्टिकोणबाट व्यवसायिक हिसाबले व्यस्त नगरको रुपमा रहेको बनेपा नगरी त्यसमा पनि नेपाल रेडक्रस सोसाइटी काभ्रे शाखालाई सुविधा सम्पन्न र पहिचानको लागि यो मेसिन कोसेढुंगा सावित भएको छ । हामीले बाहिरबाट आउने जो कोहिलाई पनि गर्वका साथ हामीसँग यस्ता किसिमका सुविधाहरु छन् भनेर देखाउने एउटा आधार स्थापित भएको छ । हिजो सुविधा सम्पन्न भवनको अभावमा रेडक्रस शाखा तड्पिरहेको थियो । त्यो समस्याको अन्त्यसँगै हामीसँग अब सुविधा सम्पन्न ब्लड बैंकको व्यवस्थापन भएको छ । यसले समग्र काभ्रेलीवासीका साथै आसपासका जिल्लावासीहरुका लागि खुशीको सन्देश प्रवाह गरेको छ भन्ने विश्वास लिएका छौं । आशा छ, यो विश्वासलाई परिणाममुखी बनाउन रक्तदाताहरुको महत्वपूर्ण भूमिका रहनेछ । उमेर पुगेका र नियमित रक्तदान गर्नुहुने रक्तदाताहरुले यस किसिमको सुविधालाई जनमुखी बनाउनको लागि महत्वपूर्ण भूमिका निर्वाह गर्नुहुनेछ भन्ने विश्वास नेपाल रेडक्रस सोसाइटी काभ्रे शाखाले लिएको छ ।
जुन ब्लड कम्पोनेण्ट मेसिन उपलब्ध भएको छ, त्यसलाई सही ढंगबाट उपयोग गर्नका लागि दक्ष जनशक्तिको प्रयासमा रेडक्रस लागिपरेको छ । छिट्टै यो क्षेत्रमा सफलता प्राप्त गरेर सेवा आरम्भ हुनेछ भन्ने विश्वास नागरिकहरुमा दिलाउन चाहन्छौं । यसका लागि आ–आफ्नो स्थानबाट मानवीय सेवामा समर्पित दातृ निकाय र दाताहरु सरिक हुनुहुनेछ भन्ने अपेक्षा रेडक्रसले राखेको छ भन्नुहुन्छ प्रशासक राजबाहक ।
अब पि.आर.पि, एफ.एफ.पि, पेलेटेलेट कन्सनटे«ट, क्रायो प्रिसिपिटेट र पि.आ.बि.सि लगायतका रगत सहज रुपमा प्राप्त गर्ने प्रविधि भित्रिएको छ । जसका कारण कुनै पनि फ्याक्टरको रगत अभावका कारण बिरामी तड्पनुपर्ने छैन भन्ने अठोट ब्लड बैंकले लिएर रक्तसञ्चार प्रमुख राधा थापाको कथन छ । उहाँ थप्नुहुन्छ– हिजोसम्म भन्नैपर्दा नाम मात्रैको सेवामा थियौं । अब मानवलाई आवश्यक पर्ने सबै फ्याक्टरको रगत उपलब्ध गराउन सक्ने प्रविधि नेपाल रेडक्रस सोसाइटी काभ्रे शाखाको ब्लड बैंकमा भित्रिएको छ । ब्लड बैंकलाई अब खाँचो छ त दक्ष जनशक्तिको । यसतर्फ दातृ निकायबाट सकारात्मक चासो राखिदिनुभए ब्लड बैंक सक्षम र सेवामुखी हुनेमा दुविधा छैन । नेपालका अन्य ब्लड बैंक सरह काभ्रेले पनि सेवा पु¥याउन सक्छ । अहिले उपलब्ध एजिटेटर मेसिनको माध्यमबाट पिआरपि र पेलिटिलेट कन्सनटे«टलाई सहज रुपमा भण्डारण गर्न सक्छ । यो भनेको ब्लड बैंकको सवालमा महत्वपूर्ण पक्ष हो । यि यावत् किसिमको सेवाका लागि नेरेसो काभ्रे शाखालाई कम्तीमा ४ जना दक्ष जनशक्तिको आवश्यकता पर्छ । त्यसैले ब्लड बैंकलाई स्तरिय गुणस्तरयुक्त भएको देख्न चाहने जो कोहि दाताहरुका लागि आग्रह गर्न चाहन्छु, यो समस्या समाधानका लागि व्यवस्थापन गर्न सकियो भने रगतको सवालमा भौंतारिने दिनको अन्त्य भएको छ भन्नुहुन्छ ब्लड बैंकका रक्तसञ्चार प्रमुख प्राविधिक राधा थापा ।