सप्तरंगी साहित्य समाज नेपालको दोस्रो वार्षिक उत्सव सम्पन्न

इनरुवा । सप्तरङ्गी साहित्य समाज नेपालको दोस्रो बार्षिक उत्सव प्रदेश १ इनरुवा नगरपालिकाको सभा हलमा गजलकार रमेन्द्र कोइरालाको छोडी जानेलाई गजल सङ्ग्रह, कवि लीलानाथ सिलवालको मास्टरको झोला कविता सङ्ग्रह तथा कवि विमला पोखरेलको कविता छायांकन प्रदर्शनको लोकार्पण तथा सम्मान कार्यक्रम गरेर बार्षिक उत्सव उमंग र उत्साह साथमा मनाएको छ ।
कार्यक्रमलाई सम्बोधन गर्दै इनरुवा नगरपालिकाका प्रमुख राजन मेहताले सप्तरङ्गी संस्थाले इनरुवामा आएर कार्यक्रम गर्न हाम्रो लागि सौभाग्य र यहाँका कवि साहित्यकारहरूको लागि खुशीको कुरा हो । समयमा बाँधिएकोले सबै कार्यक्रममा उपस्थिति हुन नसके पनि मन, तनमा साहित्य भिजेको छ । नेपाली साहित्यको लागि नगर प्रमुख भएको नाताले आफुले सकेको र नगरपालिकाले भ्याउनेसम्म सहयोग गर्न पछि हट्ने छैन भन्ने अभिव्यक्ति जाहेर गर्नुभएको थियो । कार्यक्रम समापन गर्दै संस्थाका अध्यक्ष केशवराज भट्ट सागरले प्रदेश १ को कार्य समितिको प्रशंसा गर्नुहुँदै अझै काँधमा काँध जोड्न आह्वान गर्नुभएको थियो । हामी निरन्तर लागेका छौँ सबै साहित्यिक स्रस्टा जोडेर सिङ्गो नेपालका साहित्यकार कविहरूलाई जोड्दै जाने बताउनु भएको थियो ।
संस्थाका अध्यक्ष केशवराज भट्ट सागरको सभापतित्वमा इनरुवा नगरपालिकाका प्रमुख राजन मेहता प्रमुख अतिथि रहनुभएको थियो । उद्घोषकमा सागर तिमिल्सिना गर्नुभएको थियो । बिशिष्ट अतिथिमा इनरुवा नगरपालिकाका उपप्रमुख जमना गौतम, भरत गुरागाइ र छविनाथ पोखरेल पन्क्षी रहनु भयो । अतिथिमा प्रगति लेखक संघका अध्यक्ष रामप्रसाद खरेल, तिला लेकाली, ममता मृदुल, टीका मिलन, रोहिणी रसिक, कालिदास कोइराला, पि.पि कोइराला, किशोर कोइराला, माधव सुवेदी, प्रमोद मन्डल, युवराज दाहाल, टीका शिवाकोटी, जयकृष्ण यादव, रबिन्द्र यादव लगायत ८० जनाको हाराहारीमा उपस्तिथि भएको थियो । बिराटनगर, धरान, बेलबारी, इटहरी, इनरुवा लगायत ठाँउबाट स्रस्टाहरू उपस्थिति भएका थिए । स्वागत मन्तव्य प्रदेश १ शाखाकी उपाध्यक्ष राधा सुवेदीले गर्नुभएको थियो । कार्यक्रममा ४ जना स्रस्टालाई सम्मानित भएका छन् । जसमा छबिनाथ रिजाल सागर तिमिल्सिना, जीवनाथ पोख्रेल, डमरूवल्लव भण्डारी बार्षिक उत्सवमा सम्मानित हुनुभएको थियो । लोकार्पण पुस्तकको समिक्षा भरत गुरागाइले गर्नुभएको थियो । कवि लीलानाथ सिलवालको कविता सङ्ग्रहबाट आमा भन्ने कविता शोभा सिलवालले वाचन गरेको थियो ।