तपाईंको मनले मान्नुप¥यो, यदि तपाईंको मनले मान्यो भने संसारले मान्नेछ ः इतिहासविद् श्रेष्ठ

काभ्रे । कुराहरुको बारेमा पहिले आफ्नो मनले स्वीकार्नुप¥यो तब मात्र अरुले स्वीकार्न सक्छ, त्यसलाई नै संसारले स्वीकार्ने छ भन्नुभएको छ ।
पनौतीको बाह्र वर्षे मकरमेला यहाँको ठूलो सम्पत्ति हो । यो सम्पत्तिलाई कसरी संरक्षित गरेर पहिचान दिन सकिन्छ, त्यसतर्फ सरिक हुनु प्रत्येक पनौतीवासीको दायित्व हुन आउँछ । पनौती आफैंमा एउटा अमूल्य वस्तु हो । यो एउटा रत्न हो, यो रत्नलाई कसरी सुरक्षित र संरक्षित गर्ने हो, त्यो जिम्मेवारी तपाईं पनौतीवासीको हो । जहाँ शब्द छ, त्यहाँ समाज छ । जहाँ समाज छ, त्यहाँ राष्ट्र छ भन्नुहुँदै फोटो पत्रकार प्रशान्त श्रेष्ठले समाजमा पु¥याएको योगदानका बारेमा चर्चा गर्नुहुँदै पनौतीको अमूल्य रत्नको रुपमा प्रशान्त श्रेष्ठलाई आफूले पाएको बताउनुभएको छ । आज पनौती विश्वका जुन कुनाकन्दरामा पुगेको छ, त्यो योगदान कसैको छ भने प्रशान्तको छ । त्यसैले पनि मैले आज पनौतीको अमूल्य रत्न भनेर सम्मान गरेको हुँ । उहाँले खिचेका फोटाहरु सिंगो ब्रह्माण्ड छाएको छ । हामी इतिहासकारहरुका लागि त अमूल्य साधन बनेको छ । त्यसैले पनि इतिहास सहजै कोर्न सम्भव नहोला तर पनौतीको इतिहास कोर्ने अभिष्ट पूरा गर्नेछु । जसका लागि जनप्रतिनिधि र नगरवासीका साथमा यो अमूल्य रत्नको आवश्यकता पर्दछ । त्यसैले म आजैबाट ति दिनका लागि प्रतिक्षारत छु ।

पनौतीको पहिचान कोर्न सकियो भने मात्र इतिहासमा पनौतीको एउटा पहिचान जीवन्त रहनेछ । यहाँको रहनसहन, धर्म, संस्कृति लगायत ऐतिहासिक धरोहर जुन संरक्षणको पर्खाईमा रहेका छन्, ति इतिहासका कसीहरुलाई जीवन्त दिन आवश्यक छ । पनौतीको मकरमेला यस्तो एउटा धार्मिक आस्था राख्ने भूमिको रुपमा लिइन्छ, जसले मकरमेलाको मूल ढुकढुकीका रुपमा रहेको इन्द्रेश्वर मन्दिर होस् या शैवहरुको तिर्थस्थलका रुपमा हामीले पहिचान खोज्नु छ । पूर्व मध्यकालिन शासकीय संस्कारको एउटा पहिचान हो पनौती । जहाँका मठ–मन्दिरलाई सजाउनका लागि विभिन्न किसिमका तोरणहरु र झल्लरहरुको प्रयोग हुन्छ । जहाँ दैविक शक्तिहरुको पूजा पाठ हुन्छ, त्यहाँ स्वभाविक रुपमा रातो प्रयोग हुन्छ । त्यसैले यहाँहरुको उपयुक्त निर्णय नै मान्य हुने इतिहासविद् श्रेष्ठको दाबी छ ।
सम्बोधनकै क्रममा इतिहासविद् श्रेष्ठले पनौतीको बारेमा एउटा दस्तावेज कोर्ने बताउनुहुने १० हजार वर्षभन्दा अगाडिका अभिलेखहरु पनौतीमा रहेको खुलासा समेत गर्नुभएको छ । कार्यक्रममा मकरमेलाका बारेमा नगर प्रमुख भिम न्यौपाने, शिक्षाविद् तुयुकाजी ताम्राकार, पूर्व नगर प्रमुख सप्तकाजी बुद्धाचार्य, वडा अध्यक्ष रामचन्द्र नास्नानी, साहित्यकार एवं सञ्चारकर्मी सूर्यप्रसाद लाकोजू र फोटो पत्रकार प्रशान्त श्रेष्ठ लगायतका वक्ताहरुले मकरमेला र यसको व्यवस्थापनका बारेमा चर्चा गर्नुभएको थियो । कार्यक्रमको सञ्चालन समाजसेवी रामशंकर कर्माचार्यले गर्नुभएको थियो ।