मानव कल्याणको लागि शिव पुराण ज्ञान महायज्ञ

काभ्रे । मानव कल्याणका लागि ज्योति शिव केन्द्र अनन्त गुठीले यही २७ गतेदेखि मंसिर ४ गतेसम्म शिवज्ञान महायज्ञ सञ्चालन गर्ने भएको छ ।
बनेपामा सोमबार आयोजित पत्रकार भेटघाट कार्यक्रममा मूल समारोह समितिका अध्यक्ष ई. चन्द्रलाल नकर्मीले कार्यक्रमबारे प्रकाश पार्दै चण्डेश्वरी माताको आग्रह अनुसार शिव पुराण लगाउन लागिएको बताउनुभएको छ । सो ज्ञान महायज्ञमा आफ्ना पितृहरुसँग प्रत्यक्ष संवाद गर्न सकिने पनि उल्लेख गर्नुभएको छ । कार्यक्रमका बारेमा प्रष्ट्याउँदै अध्यक्ष नकर्मीको कथन थियो– ज्योति शिव केन्द्र २०७० सालमा स्थापना भई विगत ४० वर्ष अगाडिबाट उपकारी विधाबाट सेवा शुभारम्भ गरी स्वस्थ समाज, दुव्र्यसन रहित समाज बनाउने र समाजलाई संस्कारयुक्त बनाउने अभिप्रायका साथ जन्मदेखि मृत्युपर्यन्तका विधि नितिहरुको संगालो सूत्राभाग १ मार्फत् शिव संस्कारको पहिचान गराउने बताउनुभएको छ ।
मानिस आफूसँग रहेको दैवी शक्तिलाई बिर्सिएर दुनियाँमा अरबौं रुपैयाँ खर्च गरेर दैवी शक्ति खोजिरहेको छ । त्यसैले इश्वरीय शक्ति प्राप्त गर्न टाढा जानुपर्दैन भन्ने सन्देश सहित व्यवसायिक नगरी बनेपामा शिव ज्ञान महायज्ञ शुभारम्भ गर्न लागिएको मूल समितिका अध्यक्ष नकर्मीले पत्रकारहरुको जिज्ञास मेटाउनुहुँदै वेद, विधान, संस्कार, विन्दू, रेखीय कोण (विज्ञान), शिव पुराण, पाप पुण्यको लेखाजोखा, शासकीय कानून जस्ता इश्वरीय लोकका प्रकाशनहरु मनुष्यको सभ्यता सुरुवात भई मानवलाई लिइएको र सोही उपकारी विधालाई पनि मानवीय जीवनमा उपयोग गरी डरलाग्दा रोग, व्याधहरुबाट समेत उन्मुक्ति दिने महान् कार्यमा सरिक भई सुष्टिकर्ता पिताले ब्रह्माण्ड, तारा, नक्षत्रका बारेमा अध्ययन गरी लामो अनुसन्धान पश्चात् पुष्टि भएको आत्मज्ञान र मनुष्य जीवनको बारेमा नगरवासीहरुलाई सुसूचित गराउने उद्देश्यका साथ हुन गइरहेको शिवज्ञान महाज्ञानको पावन अवसरमा कथा श्रवण गरी ज्ञानको असिम सागरलाई अझै सशक्त रुपमा फैलाउन यहाँहरुको अनुकरणीय योगदान रहने बताउनुभएको छ ।
उक्त कार्यक्रमलाई मनोजकुमार पोखरेल, ज्योति सेवा केन्द्रका अध्यक्ष लगायतका वक्ताहरुले ज्योति शिव महिमाका बारेमा प्रष्ट्याउनुभएको थियो । कार्यक्रमको सञ्चालक पं. बलभद्र खनालले गर्नुभएको थियो ।