शैक्षिक संस्थाको विकासको लागि पनौती नगर जतिबेला पनि दत्तचित्त छ ः प्रमुख न्यौपाने

काभ्रे । इन्द्रेश्वर क्याम्पसको क्याम्पस सभालाई सम्बोधन गर्ने क्रममा पनौती नगरपालिकाका नगर प्रमुख भीम न्यौपानेको कथन थियो– गुणस्तरीय शिक्षा आजको आवश्यकता रहेकोले क्याम्पसको स्तरोन्नतीका लागि नगरपालिको तर्फबाट कुनै पनि किसिमको दूरगामी असर पर्ने समझदारीहरु नगरिने बताउनुभएको छ ।
निर्वाचित व्यवस्थापन समितिलाई बधाई तथा सम्मान व्यक्त गर्दै निजी शैक्षिक संस्थाहरुको बोलबाला चलिरहेको आजको परिवेशमा सरकारी लगानीमा चलेका शैक्षिक संस्थाहरुलाई अब्बल बनाउन यो समिति सार्थक रहने धारणा राख्नुभएको थियो ।
कार्यक्रममा निर्वाचन आयोगका संयोजक एवं पनौती नगरपालिकाका वरिष्ठ प्रशासकीय अधिकृत इन्द्रप्रसाद अधिकारीको कथन थियो– प्रजातान्त्रिक विधिद्वारा नेतृत्व चयन हुनु आफैंमा एउटा उच्च मूल्यांकन रहेको स्मरण गर्नुहुँदै यो निर्वाचित समितिले दक्षिण भेगको शिक्षाको क्षेत्रमा अतुलनीय योगदान पु¥याउनेछ र खस्किरहेको शैक्षिक जीवनस्तरलाई उचाइमा लैजानका लागि नगरपालिका तथा निर्वाचन आयोगको तर्फबाट निर्वाचित समितिलाई बधाई एवं सफल कार्यकालको शुभकामना व्यक्त गर्नुभएको थियो ।
कार्यक्रममा निर्वाचित अध्यक्ष तुयुकाजी ताम्राकार र उपाध्यक्ष राजेशकुमार श्रेष्ठले प्रतिबद्धता जाहेर गर्नुभएको थियो । शनिबार भएको क्याम्पस सभाको निर्वाचनमा पदाधिकारी लगायत ७ जना निर्वाचित हुनुभएको थियो । कार्यक्रम अग्रज शिक्षाविद् देवकृष्ण शर्माको अध्यक्षतामा सम्पन्न भएको थियो