लायन्स डिष्ट्रिक्ट ३२५ आई नेपालको  क्याविनेटले पूर्णतासङ्गै उत्कृष्टता प्राप्त गर्ने प्रतिबद्धता

पोखरा । लायन्स डिष्ट्रिक्ट ३२५ आई नेपाललाई पुर्णता दिन आयोजित सभालाई सम्बोधन गर्ने क्रममा कार्यक्रमका प्रमुख अतिथि मल्टिपल काउन्सिल चियर्पर्सन लायन मन बहादुर रोक्काले बताउनु भएको छ ।
आजबाट आइ  डिष्टिकले नयाँ नेतृत्वसङ्गै लायन बर्ष २०२२/२३ ले  पूर्णता पाएको बताउनु भएको छ ।
लायन्स डिष्ट्रिक्ट ३२५ बि १ नेपालको दशौं महाधिबेशन सम्पन्न पश्चात डिष्ट्रिक्ट बाईफर्गेसन पछि बनेको डिष्ट्रिक्ट ३२५आई को लायन बर्ष २०२२/२३ का लागि डिष्ट्रिक्ट गभर्नर पदमा रामबहादुर बसेल, प्रथम भाइस डिष्ट्रिक्ट गभर्नरमा चन्द्र कुमार के सी र द्वितीय भाइस गभर्नर पदमा बिनोद ढुङगानालाई सर्वसम्मत निर्वाचित गरेको थियो।
शुक्रवार इलेक्ट डिष्ट्रिक्ट गभर्नर राम बसेलले लायनबर्ष २०२२/२३ मा आफ्नो क्याविनेटमा अत्यन्तै नजिक रहेर काम गर्नको लागि विभिन्न ५ सय १२ पदमा मनोनयन गर्नु भएको छ । उहाँले डिष्ट्रिक्टको महत्वपूर्ण पद क्याविनेट सेक्रेटरीमा हरिराज पन्त, ट्रेजररमा सूर्यनारायण बराल, चिफ एडभाइजरमा पार्वती खरेल, पिआरओ इन चिफमा सूर्य कुमार केसी र डिष्ट्रिक्ट एडमिनिट्रेटरमा शैलेन्द्र मोहन भट्टराईलाई मनोनयन गर्नु भएको हो ।
यसैगरी, आगामी बर्षको क्याविनेट बिस्तार तथा जिम्मेवारी प्रति प्रतिवद्धता जनाउन आयोजित कार्यक्रममा गभर्नर बसेलले अन्य पदहरुमा लायन्सको बिधान अनुसार क्रमश डिष्ट्रिक्ट को–अर्डिनेटर २० जना, डिष्ट्रिक्ट चिफमा १२ जना, एसिस्टेन्ट चिफ एडभाईजरमा ५ जना, डिपार्टमेन्ट चिफ २४ जनालाई मनोनयनमा पर्नु भएको छ ।
कार्यक्रममा सिनियर एडभाईजर, एसिस्टेन्ट चिफ एडभाईजर, डिपार्टमेन्ट चिफ, सिनियर एडभाइजर, सिनियर एओजी, एडभाईज़र, एओजी, पिआरओ, रिजन चेयरपर्सन, डिपार्टमेन्ट अफिसर, जोन चेयरपर्सन र डिष्ट्रिक्ट चेयरपर्सन लगायतका पदहरुमा पनि गभर्नर बसेलले मनोनित गर्नुभएको छ ।
उक्त कार्यक्रममा आफ्ना भाबी कार्यक्रम र रणनितीका बारेमा बोल्दै इलेक्ट गभर्नर बसेलले आफ्नो कार्यकालको स्लोगन (‘आई विलिभ इन टिमवर्क’) ‘म टिमवर्कमा विश्वास गर्छु’ कार्यक्रम लञ्च गर्नुभएको छ । वहाँले स्लोगनको मर्म र भावना अनुसार सम्पुर्ण लायनहरुले आफुलाई समाज सेवाका लगि बिशिष्ठ खालका सामाजिक  कार्यहरुमा लगाउन आग्रह गर्नु भएको छ ।
बसेलले डिष्ट्रिक्ट ३२५ आई रिडिष्ट्रिक्टीङ पछिको पहिलो कार्यकाल भएकाले पहिलो प्राथमिकता जग बलियो बनाउन केन्द्रित हुने बताउनु भयो । कमजोर क्लबलाई विशेष ध्यान दिएर बलियो बनाउने, क्लब सदस्यहरूलाई आजिवन सदस्य बनाई पर्मानेन्ट क्लब बनाउन पहल गर्ने उहाँको भनाई रहेको छ । उहाँका अनुसार काठमाँड़ौ र पोखरामा डिष्ट्रिक्टको स्थायी सचिवालय बनाउन आवश्यक पहल गर्ने, ईमरजेन्सी फण्ड स्थापना गर्ने, लिड़रशिप, फेलोसिप र सामाजिक सेवाका कार्यमा जोड़ दिने लगायत पूर्व डिष्ट्रिक्ट गर्भनरहरुले अघि सारेका महत्वपूर्ण कार्यक्रमहरुलाई निरन्तरता दिने, डिष्ट्रिक्ट ३२५ आई लाई उत्कृष्ट डिष्ट्रिक्टका रूपमा स्थापित गराई गतिवान र सक्रिय बनाउनका लागि क्लबहरुलाई बलियो बनाउने समेतका योजना प्राथमिकतामा राखिएको जनाउ दिनु भएको छ ।
कार्यक्रममा लायन्सका मल्टीपल काउन्सिल चेयरपर्सन मनबहादुर रोका, लायन्स डिष्ट्रिक्ट ३२५ बि१ नेपालका डिष्ट्रिक्ट गभर्नर विश्वेश्वर आचार्य, पूर्व मल्टीपल काउन्सिल चेयरपर्सन राजन लम्साल, पूर्व डिष्ट्रक्ट गर्भनर ईन्दु लम्सालले गभर्नर बसेल र वहाँको टीमलाई आगामी कार्यकालका लागि हातेमालो गरि सहयोग गर्न सम्पूर्ण लायन्स लिडरहरुलाई आग्रह गर्दै कार्यकाललाई उत्कृस्ट वनाउन आव्हान गर्नुभएको छ ।
कार्यक्रममा इलेक्ट प्रथम भाईस डिष्ट्रिक्ट गभर्नर चन्द्रकुमार केसी र द्वित्तिय भाईस डिष्ट्रिक्ट गभर्नर बिनोद ढुङगानाले इलेक्ट गभर्नरले आफ़नो क्याविनेटमा नजिक रहेर काम गर्नका लागि योग्यता क्षमता हेरेर मनोनयन गर्नुभएको छ, योग्यता र क्षमताको भरपूर सदुपयोग गर्दै आफ़नो ज़िम्मेवारी पूरा गर्नु हुनेछ भन्नेमा गभर्नर टिम विश्वस्त रहेको बताउनु  भएको छ ।
लायन्स अन्तरराष्ट्रियले स्वास्थ्य, शिक्षा, वातावरण, जनचेतना अभिबृद्धी, सामाजीक जागरण ल्याउने खालका कार्ययोजनाहरु सञ्चालन गर्दै आईरहेको छ ।
बिश्वका २१२ मुलुकमा संगठन बिस्तार गरिसकेको बिश्वको सबैभन्दा ठूलो सामाजीक संस्थाको रुपमा स्थापित लायन्सको संस्थापक अमेरिकन नागरिक मेल्भिन जोन्स हुन । उनले सन १९१७ मा अमेरिकाको टेक्सासमा सुरुवात गरेका थिए भने नेपालमा पुर्ब प्रधानमन्त्री मात्रिकाप्रसाद कोइरालाले सन् १९७१ मा आफनै अध्यक्षतामा लायन्स क्लव अफ बिराटनगरको स्थापना गरेका थिए । निस्वार्थ मानबिय सेवा गर्ने उद्देश्यले स्थापना भएको विश्वको सबैभन्दा ठूलो सामाजिक संस्था लायन्समा विश्वभर १४ लाख बढी र नेपालमा करिब पचास हजारको हाराहारीमा लायन्स सदस्यहरु आवद्व रहेका छन भने डिष्टिक आइमा १ सय ६४ वटा क्लबहरु आबद्ध छन् । नेपालमा  भएका १५ वटा मध्ये कै उम्दा डिष्टिकको रूपमा  डिष्टिक आइलाइ लिइन्छ ।