भान्से भएपछि भोकै पनि बस्न सक्नुपर्छ, अहम्ताले कसैलाई पनि भलो गर्दैन

काभ्रे । स्थानीय तहको निर्वाचनलाई लिएर पाँच दलीय सत्ता गठबन्धन गरेर अगाडि बढेका राजनीतिक शक्तिहरुबीच तल्लो स्थानीय तहसम्म आइपुग्दा मपाईंत्वमा परिणत हुन पुग्यो । जसको परिणाम एकपछि अर्काे गरी भोग्न विवश भएका छन् ।
गठबन्धनको मुलीका रुपमा रहेको नेपाली कांग्रेसले आफ्नो धरातल बिर्सिएकै कारण कतिपय दुर्घटनाहरु आफैंभित्र हुन पुगेका छन् । जसको प्रमाणका रुपमा काभ्रेको पनौती नगरपालिका त्यसैको एउटा प्रतिनिधिमूलक संस्थाको रुपमा देखा परेको छ । जहाँ २०७४ सालको निर्वाचनमा कांग्रेसले ६ वटा वडा अघोषित माओवादीको सहयोगमा जितेको भन्ने चर्चा थियो, त्यो पनौती कांग्रेसका लागि अहम्ताको पराकाष्ट बनिदियो । जसको परिणाम आज एक एक गरी जितेका वडाहरु गुमाउन पुगेको छ । “भान्से भएपछि भान्सामा पाकेको कुरो जे जस्तो छ, त्यो सबैलाई बाँडेर चित्त बुझाएर बाँकी रहेको आफूले उपयोग गर्नुपर्नेमा गठबन्धनको साँचो ताल्चा बोकेको नेपाली कांग्रेसले पनौतीलाई आफ्नो पेवा सम्झियो र गठबन्धन भित्रका दलहरुलाई लत्याउने काम भयो, जसको परिणाम रामशरण भण्डारी एक्लो बृहस्पतिको रुपमा नगरमा विराजमान हुने पात्रका रुपमा देखिएका छन् ।”
यि सबै घटनाको सूत्राधार र जिम्मेवार अरु कोहि नभएर नेपाली कांग्रेस पनौती स्वयं भएको विश्लेषकहरुको दाबी छ । भलै वडा नं. १ एमालेले गुमाइरहँदा वडा नं. ६, ७ र ८ आफ्नो कब्जामा पारिसकेको छ । यसरी आँकलन गर्ने हो भने नेपाली कांग्रेसको अहम्ताले जितेका वडाहरु अब उसको मुठ्ठीबाट वडा नं. ९ बाहेक सबै फुत्किने तथ्यांकले देखाउँदछ । यो सबै हुनुको पछाडि कांग्रेस जनहरुमा सिर्जना भएका अहम्ताहरु नै हुन् भन्ने निचोड आम नागरिकले गरेका छन् । स्मरण रहोस्, यो भन्दा अगाडि ९ वटा वडा रहेको चौंरीदेउराली गाउँपालिकामा एउटा वडा बाहेक अध्यक्ष, उपाध्यक्ष सहित पूरै १० सेट जितेको माओवादी केन्द्रले आफ्नो जिम्मेवारीभन्दा माथि उठेर गठबन्धनलाई सँगसँगै लिएर जानुपर्छ भन्ने महान् विचारका साथ ५ वटा वडा र उपाध्यक्ष गठबन्धनका नाममा त्याग ग¥यो । यदि डाडु पुन्यु लिएको कांग्रेसको व्यवहार गर्ने हो भने एउटा वडा छोड्दा फरक पर्दैनथ्यो । तर उसले जुन किसिमको सदा सयता अपनायो, त्यसलाई चौंरीदेउराली कांग्रेसले कमजोरी सम्झेर घोषित रुपमै एघारै पदमा उम्मेदवारी उठायो । त्यति हुँदा पनि माओवादी र एकीकृत समाजवादीले कुनै किसिमको प्रतिक्रिया सार्वजनिक गरेनन् । जसलाई नेपाली कांग्रेसभित्र रहेको अहम्ताले तहसनहस बनायो । जसको प्रत्यक्ष असर धुलिखेल, पनौती, बनेपा लगायतका पालिकाहरुमा प्रभाव परेको छ । यसलाई राजनीति भाषामा भन्ने हो भने कांग्रेसले राजनीतिक बेइमानी गरेको भन्न सकिन्छ । यस किसिमको बेइमानी काभ्रे कांग्रेसले कहिलेसम्म गर्दै जाने हो त्यो हेर्न बाँकी छ ।
यसभन्दा अघि नेपाल पत्रकार महासंघको दुई वटै निर्वाचनमा पनि कांग्रेसले माओवादी केन्द्रसँग आबद्ध पत्रकारहरुलाई भ¥याङ्ग बनाएर आफू सत्तामा पुगेको तीतो यथार्थता हुँदाहुँदै पनि काभे्रमा कांग्रेससँगै गठबन्धन गर्नपुग्नु नेकपा माओवादी केन्द्र काभे्रको गम्भीर भुल भएको ठोकुवा गर्न सकिन्छ । यस किसिमको कांग्रेस गतिविधिले प्रतिगमनको मतियारलाई बल पुगेको राजनीतिक विश्लेषकहरुको दाबी छ । घटनाक्रमबाट के देखिन्छ भने काभ्रे कांग्रेस अघोषित रुपमा माओवादीलाई काभ्रेमा संस्थागत रुपमै नामेट गर्न चाहन्छ । यसको प्रमाणका रुपमा विगतका गतिविधि सँगसँगै वैशाख ३० गते भएको स्थानीय तहको निर्वाचनलाई समेत लिन सकिन्छ । यसबाट नेकपा माओवादी केन्द्रले पाठ सिक्दैन भने अब माओवादीसँग आबद्ध कार्यकर्ताको शिला खोज्नुपर्ने अवस्था नआउला भन्न सकिन्न । आफ्नो अनुकूलतामा भएको टिकट वितरण र पालिका छनौटले कति नाफा भयो यसको गम्भीर समीक्षा गर्न माओवादी केन्द्रभित्र आवश्यक छ । यसो भनिरहँदा कतिलाई पच्न गाह्रो पनि हुन सक्ला, यो अवस्थामा माओवादी केन्द्रसँग आबद्ध रहेका कार्यकर्ताहरुको भावना सम्बोधन हुन्छ भन्ने अपेक्षा राख्नु भ्रम पनि हुन सक्छ । यति भनिरहँदा पनौती नगरको नेतृत्व सम्हाल्न पुग्ने कांग्रेसी जनहरुले भोलिका दिन पनौती नगरपालिकाभित्र आफ्नो गतिविधि कसरी चलायमान गर्लान् चासोको विषय बनेको छ । मतदाता शिक्षाको अभाव र गठबन्धनको मर्म अनुसार नेपाली कांग्रेसको मेयरमा मत आउँदा नेकपा एकीकृत समाजवादिलाई मत खोइ त ? वडा तहसम्मै पार्टीको निर्देशनमा धोकेबाजी दिएको त होइन ? गम्भीरतापूर्वक सोचौं र विस्तृत समिक्षा गर्दै आफ्नो जनमतको संरक्षकत्व दिँदै बृहत कम्युनिष्ट एकता, लोकतान्त्रिक गठबन्धन वा वामगठबन्धन गर्न नेतागणलाई बेलैमा सुझाव दिन आवश्यक ठानेको छु । यो गठबन्धनले निम्त्याएका अनगिन्ती अनुत्तरित प्रश्नहरुको जवाफ पक्कै दिनेछन् भन्ने अपेक्षा समेत राखेको छु ।
एक त पनौती नपामा आबद्ध कर्मचारीहरु नेकपा एमालेका बफादार सिपाही भएको उहाँहरुका गतिविधिले पुष्टि गरिसकेको छ । जसको कारण मत गणना स्थलमा निषेध हुनुप¥यो । त्यसको हिसाबकिताब पक्कै पनि उहाँहरुले राख्नुभएको होला । जुन किसिमबाट पेशाप्रति नै प्रश्न चिन्ह मात्र उठेनन्, निषेधित हुन बाध्य हुनुप¥यो । यसले एक्लो बृहस्पतिलाई सत्ता सञ्चालन गर्न कति सहज बन्ला हेर्न बाँकी नै छ ।