सुन–चाँदीको भाउ बढ्यो

काठमाडौ / आज नेपाली बजारमा सुन र चाँदी दुवैको मूल्य बढेको छ।

नेपाल सुनचाँदी व्यवसायी महासंघका अनुसार छापावाल सुनको मूल्य तोलामा ८ सय रुपैयाँले बढेर २ लाख ८४ हजार रुपैयाँ पुगेको छ। अघिल्लो दिन सुनको मूल्य १ हजार ८ सय रुपैयाँले घटेर २ लाख ८३ हजार २ सय रुपैयाँ कायम भएको थियो।

त्यसैगरी, चाँदीको मूल्य पनि आज तोलामा ३५ रुपैयाँले वृद्धि भई ४ हजार ३ सय ५० रुपैयाँ पुगेको महासंघले जनाएको छ।