एक रुपैँयामा अस्पतालको स्वामित्व !

दोलखा (किर्नेटार) ÷ एक रुपैँयामा अस्पतालको स्वामित्व पाउन सकिएला ? सुन्दा धेरैलाई अचम्म लाग्न सक्छ तर यो वास्तविकता हो । दोलखाको किर्नेटारमा रहेको खिम्ती प्रोजेक्ट क्लिनीकको स्वामित्व धुलिखेल अस्पतालले १ रुपैँयामा पाएको हो । दोलखाको किर्नेटारमा रहेको खिम्ती प्रथम जलविद्युत आयोजनाको लागि हिमाल पावर कम्पनीले सञ्चालन गर्दै आएको क्लिनीक सन् २०२० सम्मका लागि धुलिखेल अस्पताललाई हस्तान्तरण गरिएको हो । अस्पतालमा फार्मेसी, विरामी जाँच्ने कोठमा, सुत्केरी गराउने कोठा, भर्ना गर्ने कोठा सहित १२ वटा कोठा छन् । अस्पताल करिव ४ रोपनी क्षेत्रफलमा फैलिएको छ ।
२०५७ सालमा निर्माण कार्यका कर्मचारी र स्थानीयवासीको लागि भनेर सञ्चालित स्वास्थ्य केन्द्र विगत ९ महिना देखि वन्द थियो । अव अस्पतालले यसलाई रामेछाप र दोलखा जिल्लाका २० गाविसका १५ हजार स्थानीय वासिन्दालाई लक्षित गरेर आफ्नो १४ औँ “आउटरिच क्लिनीक” को रुपमा सञ्चालनमा ल्याउनेछ । अस्पतालले १ मेडिकल डाक्टर, १ अनमी र १ ल्याव एसिस्टन्ट र एम्वुलेन्स सेवा सहित २४ घण्टा नै सेवा दिने जनाएको छ ।
२०२० सम्ममा आयोजना हस्तान्तरण हुने भएकोले यसको दिषे सञ्चादनको लागि “भरपर्दो स्वास्थ्य संस्था” लाई सञ्चालनको जिम्मेवारी दिएको हिमाल पावर कम्पनीका महाप्रवन्ध टम क्रिस्चियानले बताए । धुलिखेल अस्पतालले ग्रामिण भेगको स्वास्थ्य सेवाको लागि कमाएको लोकप्रियताको लागि उसलाई यसको जिम्मेवारी सुम्पेको पनि उनले जानकारी दिए ।
असपतालका प्रशासकीय निर्देशक डा. राजेन्द्र कोजुले यो क्षेत्रमा पनि आफ्नो सेवा विस्तार गर्न पाउँदा खुशी लागेको बताए । उनले अस्पतालको स्वास्थ्य सेवा सबै क्षेत्रमा विस्तार गरौँ भनेर ने यहाँको सञ्चालनको जिम्मेवारी स्विकार गरेको बताए । उनले सर्वसुलभ र प्रभावकारी स्वास्थ सेवा दिने प्रतिवद्धता व्यक्त गर्दै स्थानीय र कम्पनीको सहयोगको समेत अपेक्षा गरे ।
अव किर्ने स्वास्थ्य केन्द्रको नाममा स्ञ्चालन हुने केन्द्रको काठमाण्डाँै विश्वविद्यालय स्कुल अफ मेडिकल साइन्सका डिन एन. वी राणा र कम्पनीका महाप्रवन्धक टम क्रिस्चियानले संयुक्त उद्धघाटन गरेका थिए ।
उत्कृष्ट स्वास्थ्य सेवा दिइरहेको अस्पतालले १३ स्थानमा आटरिच र अन्य १५ स्वास्थ्य संस्थाहरु सँगको सहकार्यमा ग्रामिण भेगमा समेत स्वास्थ्य सेवा दिइरहेको छ ।