प्रभातफेरी अनलाइन २७९७ पटक पढिएको प्रकाशित मिति: २०६९ आश्विन २२, सोमबार (१३ साल अघि)
पनौती÷पनौती नगरपालिका कार्यालय आफ्नै भवनमा सरेको छ । पनौती नगरपालिकास्थित वडा नं. ४ को भवनडाँडामा अवस्थित कार्यालय भवन १४ कोठाको निर्माण कार्य पूरा भएको छ भने २ सय जना सहभागी अट्ने कार्यक्रमको लागि सभाहल समेत तयारी भैसकेको छ ।
कुल २ करोड २३ लाख रकममा ३ वर्षको अवधिमा निर्माण पुरा भउपछि यस महिनाबाट आफ्नो भवनमा सरेको कुरा प्रशासकीय अधिकृत इन्द्रप्रसाद अधिकारीले जानकारी दिनुभयो ।
निर्माण कार्य गर्न कुशेश्वर कन्टक्सनले टेण्डर पारेको हो भने कार्यालय भवन निर्माण गर्न नगर विकास कोषको ऋण तथा अनुदान र नगरपालिकाको आफ्नै स्रोतबाट निर्माण कार्यको रकम जुटेको थियो ।
निर्माण कार्य शुरु गर्न गुरुयोजना तयार पारी करीब ७ करोड खर्च लाग्ने अनुमान गरिएको छ भने भवन निर्माणसँगै गार्ड भवन, कम्पाउण्ड सुधार, बगैंचा निर्माण गरी पुरातात्विक महासत्वको मन्दिर सहित पुनः स्थापना गरिने लक्ष्य रहेको कुरा प्रशासकीय अधिकृत इन्द्रप्रसाद अधिकारीले जानकारी दिनुभएको थियो ।
भविष्यमा नगरपालिकाको भवन यु आकारमा आधुनिक तििरकाबाट निर्माण भई क्यान्टिनको सुविधा समेत पु¥याई सभाहल संचालनमा ल्याई कार्यक्रम गर्न हल भाडामा दिने व्यवस्था समेत मिलाउने भएको छ ।
प्रभातफेरी अनलाईन
बनेपा नपा-५,राजदास मार्ग
९८५११२८४५०,९८४१४२८४५०
प्रा.फम द. नं.: ९६७९/०७६/०७७
सूचना विभाग दर्ता नं.: ८२०/०७४-७५
| संचालक : | प्रल्हाद शर्मा हुमागाईं सम्पर्क: ९८५११२८४५० |
| सम्पादक : | राज्यलक्ष्मी श्रेष्ठ सम्पर्क: ९८४१४२९९६५ |
0
