उग्रतारा दशौं वर्षमा प्रवेश

बनेपा÷उग्रतारा बहुउद्देश्यीय सहकारी संस्था लि.को नवौं वार्षिक साधारण सभा हिजो शनिबार के.एन. बैन्क्वेटमा सम्पन्न भएको छ ।
राष्ट्रिय सहकारी विकास बोर्डका सहअध्यक्ष सरोजकुमार शर्माको प्रमुख आतिथ्यतामा भएको थियो । कार्यक्रममा संस्कृतिविद् ज्ञानकाजी मानन्धर, बहुउद्देश्यीय सहकारी संजालका अध्यक्ष विधान जोशी, शुलभ साकोसका अध्यक्ष विक्रम भैल, कृति साकोसका प्रतिनीधि लगायतले मन्तव्य राखेका थिए ।
कुल ४१ करोड ५९ लाख ४५ हजार बराबरको कारोबार गर्न सफल यस संसथाको शेयरपुँजी ५ करोड २१ लाख ६५ हजार तीन सय, बचततर्फ ३४ करोड, २८ लाख ८३ हजार ऋण प्रवाह तर्फ २८ करोड ६२ लाख ५२ हजार आम्दानी ६ करोड ३९ लाख ४३ हजार र खर्च ५ करोड ९३ लाख ७ हजार रुपैंया रहेको छ ।

कार्यक्रममा लामो समयदेखि शिक्षा क्षेत्रमा काम गर्नुभएको र इतिहासकार आशाकाजी सेवकलाई सम्मानित गरिएको थियो । त्यसैगरि उत्कृष्ट ऋणी सुरेन्द्र पोटे श्रेष्ठ, उत्कृष्ट बचतकर्ता मोहनकृष्ण श्रेष्ठ, उत्कृष्ट राजन कायस्थ र जेष्ठ शेयर सदस्य नारायण दास खिंचालाई सम्मान गरिएको थियो ।

संस्थाका अध्यक्ष पूर्णप्रसाद पलाञ्चोकेको सभापतित्वमा सम्पन्न कार्यक्रममा सचिवको वार्षिक प्रगति प्रतिवेदन सचिव दियेशरत्न शाक्यले प्रस्तुत गरेका थिए । कोषाध्यक्षको वार्षिक प्रतिवेदन लक्ष्मीलाल राजभण्डारीले पेश गरेका थिए भने कार्यक्रम संचालन संस्था प्रबन्धक संचालक कृष्णभक्त थापाले गरेका थिए ।