रेडियो लिंकबाट टेलिफोन वितरण

बनेपा÷केबुल चोरीलाई निरुत्साहित गर्न नेपाल टेलिकम दुर संचार कार्यालय बनेपाले पनौती अन्तर्गत सुन्थान र कुशादेवीमा नयाँ एक्सचेन्जबाट आफ्ना ग्राहकहरुलाई टेलिफोन वितरण रेडियो लिंकबाट गरेको छ ।
जसअनुसार पनौतीको सुन्थान भेगमा ०११–४०६००० देखि ४०६१४३ गरी जम्मा १ सय ४४ लाइन तथा कुशादेवी भेगमा ०११–४०५००० देखि ४०५१९१ गरी जम्मा १ सय ९२ लाइन क्षमताको दुई एक्सचेन्ज संचालनमा ल्याएको कुरा कार्यालय प्रमुख शिवजी शाहले जानकारी दिए ।
बनेपा दूर संचार कार्यालय अन्तर्गत सिन्धुपाल्चोक–१०, काभे्रपलाञ्चोक–८, दोलखामा–२ गरी २० वटा ठूला साना एक्सचेन्जबाट ग्राहकलाई सुविधा पु¥याएको छ ।
उक्त २० वटा एक्सचेन्जको क्षमता १२ हजार ६ सय ९७ वटा टेलिफोन लाइन रहेकामा ०६७–०६८ मा २० मध्ये ११ स्थानबाट र २०६८–०६९ मा थप ५ स्थानबाट वितरण गरिएकोमा यस वर्ष ४ वटा एक्चेन्जबाट थप भएको हो भने ०६९ मंसिर मसान्तसम्म ७ हजार ९ सय १५ लाईन वितरण भएको छ ।
यस पद्धति अनुरुप खोपासी, भूमेडाँडा लगायत केबुल चोरी हुने नाला भेगमा समेत यो सेवा विस्तार गरिदैं लैजाने लक्ष्य रहेको जानकारी कार्यालय प्रमुख शाहले दिएका छन् ।
यसैगरी बनेपा घोगेचौर, बनेपाको चारदोबाटो, श्रीखण्डपुर, बनेपा बसपार्क, नाला दोबोटो, नासिका चोक, पुलबजार उत्तर र दक्षिण, टुकुटा नाला, (उग्रचण्डी समेत) नाला कर्णमाई पश्चिम, नाला बजार क्षेत्र, नाला चोक नयांवस्ती, धुलिखेल २८ किलो, वुडोल, धनेश्वर चोक, (पनौती रोड) बनेपा बसपार्क प्रवेश मार्ग, पनौती एक्सचेन्ज अन्तर्गत महालक्ष्मी मन्दिर (बजार समेत) मानेश्वरी बसपार्कदेखि सुन्थान मार्ग, ज्यालापाटी जानेबाटो,  चाडै टेलिकम कार्यालयले मर्मत सम्भारको कार्यक्रम नल्याएमा थप लाईन दिन नसकिने भएको छ ।
काभ्रेको तिनपिप्ले, दाप्चा क्षेत्र, पात्लेखेत क्षेत्रहरुमा समेत नयां एक्सचेन्ज खडा गरी टेलिफोन वितरण गर्ने लक्ष्य रहेको छ ।