भुमिमाता २४ बर्षमा

चलाल÷ भूमिमाता माध्यमिक विद्यालयको २४ बर्षमा प्रवेश गरेको छ । २३ बर्ष पुरा गरेको अवसरमा विद्यालयले विभिन्न कार्यक्रमहरु गरेको छ ।

कार्यक्रममा प्रवेशिकामा उत्तीर्ण र ५० प्रतिशत भन्दा माथि औसत अंक ल्याउन सहयोग गर्ने शिक्षक यज्ञप्रसाद हुमागाई, सामाजिक शिक्षक भीमबहादुर खत्री, जनसंख्या शिक्षक शम्भुलाल श्रेष्ठ, शिक्षक युगेश तामाङ लगायतलाई कदर–पत्र सहित सम्मान गरिएको थियो । व्यवस्थापन तर्फ समिर तामाङ र विद्यालय सुधारका लागि सहयोग गर्ने ३ जनालाई सम्मान सहित पुरस्कृत गरिएको थियो ।

जिल्ला शिक्षा अधिकारी नारायण प्रसाद भट्टले उनीहरुलाई सम्मान तथा पुरस्कृत गरेका थिए । कार्यक्रममा नेपाल शिक्षक युनियन काभ्रेका अध्यक्ष नारायणप्रसाद तिमल्सिना, प्रधानाध्यापक भिम बहादुर खत्री लगायतले शिक्षा क्षेत्रबारे चर्चा गरेका थिए ।