पर्यटकको रोजाईमा होमस्टे

बनेपा /पछिल्लो समय पर्यटकहरुको रोजाई होमस्टेहरु पर्न थालेका छन । व्यवस्थित बन्दै गएका होमस्टे पर्यटकहरुको रोजाईमा पर्न थालेका हुन ।

जिल्लामा एक दर्जन भन्दा बढी खुलेका होमस्टेहरुमा वाह्य पर्यटकहरुको आर्कषण बढ्दै गएको संचालकहरुको भनाइ छ । तीन बर्ष अगाडी सम्म खासै पर्यटकहरुको आर्कषणमा पर्न नसकेका होमस्टेहरु विस्तारै पर्यटकहरुको रोजाईमा पर्न थालेको पनौती कम्युनिटी होमस्टेकी अध्यक्ष शिला आमात्यले बताइन । पहिला त लौ न हामीलाई पर्यटक पठाइदिनुप¥यो भनेर विभिन्न ट्राभल एजेन्सीहरुलाई गुहानुपथ्यो तर अहिले त हामीकोमा दैनिक पर्यटकहरुको आइरहन्छन । उनले पुरानो दिनको सम्झना गदै भनिन् बल्ल बल्ल एक दुई जना पर्यटक आउथे उनीहरुलाई आदारसत्कार राम्रो गर्ने, मनोरञ्जन गराउने, यहाँका कलासंस्कृतिका बारेमा जानकारी दिने लगायत गरेर पठाउँथ्यौ यसले पनि हामीलाई पर्यटक आर्कषण गर्न मद्दत पुग्यो । पर्यटकलाई गरेको व्यवहार, सम्मानले उनीहरुमा खुशि आयो र अन्य साथीहरुलाई समेत सिधै हाम्रै सम्पर्कमा पठाउन थाले । उनले खुशी हुदै भनिन, हामीले १८ घरमा शुरु गरेको होमस्टे अहिले प्राय एक न एक घरमा पर्यटक हुन्छ ।

पातलेखेत होमस्टे समितिका अध्यक्ष केशव बडाल पनि होमस्टेमा पर्यटक बढ्न थालेको बताउछन । गाँउघरमा स्वच्छ हावापानी, मनोरम हिमशृंखलाको अवलोकन गर्दै स्थानीय कला, संस्कृति र भेषभुषामा रमाउन पर्यटकहरको रोजाई होमस्टे भएको उनको भनाइ छ । पातलेखेतबाट नमोबुद्ध, धुलिखेल र भकुण्डे तथा पाँचखालसम्म हाइकिङ पनि जान मिल्छ्। धुलिखेलका महँगा होटेलको तुलनामा सस्तोमा स्तरीय सेवा होमस्टेमा उपलब्ध छ् । सात दिनको प्याकेजमा गाउँलेको घरमा जे पाक्छ, त्यही पर्यटकलाई खुवाउने गरिएको छ्। ग्रामीण परिवेश र उनीहरूलाई नौलो लागेको काम सिकाउने भएकाले पनि होमस्टे पर्यटकको आकर्षणको केन्द्र बनेको उनको बुझाइ छ्। गाईभैंसी दुहुने, खेतबारीको काम र प्राकृतिक सौन्दर्यमा पर्यटक हराउने गरेका छन ।

होटेलभन्दा रमणीय र सहुलियत सुविधा पाउँदा दङ्ग भएको पनौती होमस्टेमा आएका स्विजरल्यान्डका रोल्स ओइभर बताए । ‘ठूला र महँगा होटेल हाम्रो देशमा पनि छन् तर यस्तो रमणीय होमस्टे छैन,’ उनले भने, ‘होमस्टेबाट यहाँको कला, संस्कृति, भेषभुषा, खानपानमा रमाउन पाउँदा सोचेभन्दा बढी आनन्द प्राप्त गर्ने पाए्।’ उनले अन्य नेपाल आउने साथीहरलाई होमस्टेमा बस्न आग्रह गर्ने बताए ।

अहिले होमस्टे संचालकहरुले एटेज बाथरुम, व्यवस्थित रुम, तातो चिसो पानी लगायतका े सेवा सुविधा बृद्धि गरेको बताएका छन । महँगा होटल भन्दा हाम्रोमा राम्रो व्यवस्था रहेको छ, पनौती कम्युनिटी की अध्यक्ष आमात्यले भनिन्, यसले पनि पर्यटकको रोजाईमा पछौ । हामी महिला मात्र मिलेर खोलिएको होमस्टेमा ‘आम्दानीसँगै हामी गृहिणीहरूले विदेशी भाषा, संस्कृति र प्रविधिबारे जान्ने मौका पाएका छौँ्।’ विदेशीलाई स्थानीय परम्पराअनुसार फूलमाला, नाचगान र बाजा बजाएर स्वागत गर्दै नेपाली खाना, कला, संस्कृति र परम्परा देखाइन्छ । यो होमस्टे तीन वर्षअघि आमाहरूको समूहले सञ्चालन गर्दै आएको हो्। पनौती ७ की बिनु अमात्य खुशी हुँदै भनिन् ‘घरमै बसेर आत्मनिर्भर भएका छौँ्।’ पर्यटकसँग घुलमिल हुन सहज होस् भनेर बुढेसकालमा अंग्रेजी सिकिसकेका उनीहरू उमेरले छेक्दैन भन्ने उदाहरण बनेका छन्। पछिल्लो समय पर्यटकलाई आकर्षण गर्न आफ्नै लगानीमा साँगा भञ्ज्याङ हुँदै पनौतीसम्म हाइकिङ रुट सञ्चालनमा ल्याएका छन्।

दैनिक २ हजार रुपैयाँ को प्याकेजमा पर्यटक राख्ने गरिएको संचालकहरु बताउँछन । रोयल माउन्टेन ट्राभल काठमाडौंको समन्वयमा होमस्टेमा पर्यटकहरू पठाउन बुकिङ गर्ने गरिरहेको छ्। ट्राभलका प्रबन्धक शिव ढकालका अनुसार पर्यटकहरूलाई इन्द्रेश्वर मन्दिर, नमोबुद्ध, मल्पी, लायकु दरबार, त्रिवेणी घाट, बल्थली लगायतका स्थानको अवलोकनका लागि पर्यटक आउने गरेको बताउछन ।

पनौती पर्यटन विकास केन्द्रले पनि होमस्टे सञ्चालनमा सहयोग पु‍याउँदै आएको छ्। धुलिखेल, नमोबुद्ध, कुशादेवी, नगरकोट, बल्थलीलगायत स्थानमा पनि होमस्टे सञ्चालनमा आएका छन्। काभ्रेमा होमस्टेबाट पाँच हजारभन्दा बढीले रोजगारी पाइरहेको धुलिखेल उद्योग वाणिज्य संघका अध्यक्ष मञ्जुकुमार कोजूले जानकारी दिए । संघले पनि होमस्टे विकास र प्रबद्र्धनका लागि तालिम लगायत सहयोग गर्दै आएको छ्। पर्यटकको आगमन बढेसँगै स्थानीयस्तरमा उत्पादित कृषिजन्य वस्तुको माग बढेको छ् । होमस्टेमा आएका पाहुनालाई अर्गािर्नक ताजा तरकारी र मासु आवश्यक पर्ने भएकाले व्यावसायिक तरकारी खेती र पशुपालन फस्टाएको स्थानीयबासी बताउँछन्।

फोटो क्याप्सन होमस्टेमा पर्यटकलाई स्वागत गदै स्थानीय ।