सहकारीसंग समन्वय गरेर अगाडी बढ्न तैयार छौं – खरेल

पाँँचखाल-पाँचखाल नगरपालिकामा रहेको सहकारीहरुको अन्तरक्रिया कार्यक्रम सम्पन्न भएको छ । “दिगो विकास लक्ष्य प्रप्तिका लागि सहकारी” भन्ने मुल नाराका साथमा अगाडी बढेको पाँचखाल उपत्यका सहकारी संञ्जालको आयोजनामा सम्पन्न उक्त कार्यक्रममा पाँचखाल बजार क्षेत्रको सफाई पश्चात अन्तरक्रिया कार्यक्रममा जुटेको हो ।

६० औं राष्ट्रिय सहकारी दिवसको अवसरमा, सहकारीमा स्थानिय सरकारको भुमिका बिषयक उक्त कार्यक्रमका प्रमुख अतिथि पाँचखाल नगरका प्रमुख महेश खरेल रहनु भएको थियो । कार्यक्रमको उद्घाटन गर्दै प्रमुख खरेलले नगरमा संञ्चालन भएका सहकारीहरुलाई व्यवस्थित ढंगबाट अगाडी बढाउने उद्देश्यले सहकारी ऐनको व्यवस्था गर्दै गरेको बताउनु भयो । संविधानले दिएको अधिकारको आधारमा केन्द्र र प्रदेशले वनाएको ऐनलाई आधार मान्दै ऐन बनाएको बताउनु भयो । निष्कृय रुपमा रहेको सहकारीहरुलाई सकृय ढंगबाट अगाडी बढाउने प्रयास गर्ने बताउंदै कानुन नियम नमानेमा त्यस्ता सहकारीलाई बन्द गर्ने बताउनु भयो ।

कार्यक्रममा प्रमुख अतिथि खरेलले थप्नुभयो स्थानिय तह साथै स्थानिय तहमा संञ्चालन भएका सहकारीहरु यी दुवै पक्षले जनताको लागी कार्य गर्ने भएकोले नगर र सहकारी समन्वय गरेर अगाडी बढ्ने बताउनु भयो । पाँचखालको जनताको सवैभन्दा ठुलो समस्या पिउने पानीको भएकोले सो समस्या समाधानको लागी नगर अगाडी बढी सकेकोले त्यसलाई सहकारीहरुले साथ र सहयोग गर्नुपर्ने बताउनु भयो । पाँचखालमा पानीको अभाव हुंदै जाँदा पुर्खाले जोगाएर राखेको जमिनमुनीको पानीलाई प्वाल खोपेर निकाली खानुपर्ने बाध्यता भएको बताउनु भयो । सो स्रोत समेत घट्दै गएकोले दिर्घकालीन योजनाको लागि सुनकोशिबाट पानी ल्याउने तयारी गरेकोले सहकारीहरुले साथ दिनु पर्ने बताउनु भयो ।

पाँचखाल नगरवासिलाई काकाकुल अवस्थाबाट जोगाउन सहकारीले नगरमा रहेका विपन्न बर्गलाई १० प्रतिशतमा लगानी गरी सहयोग गर्न अनुरोध गनुभएको थियो । उपभोक्ताको तर्फबाट जम्मा गर्नुपर्ने १८ हजार जम्मा नगरेसम्म योजना अगाडी नबढ्ने भएकोले आर्थीक अवस्था कमजोर भएका उपभोक्ताहरुको लागि सहकारीले लगानी गर्दा त्यसको ग्यारेन्टी नगर हुने प्रमुख खरेलले बताउनुभयो । पानीको व्यवस्था गर्न नसके पाँचखालमा नागरीक बस्न नसक्ने र जनता नभए पाँचखालको महत्व घट्ने भएकोले पाँचखालको महत्वलाई अझ अगाडी बडाउन पानीको व्यवस्था गर्नु पर्ने जसको लागि सहकारीले साथ दिनु पर्ने खरेलले बताउनु भएको थियो ।

कार्यक्रममा जिल्ला सहकारी संघका अध्यक्ष विनोद पराजुलीले सहकारीहरु संञ्चालनको क्रममा सामान्य त्रुटी भएमा दण्ड होईन शैक्षिक बिधिबाट अगाडी बढाउनु पर्ने बताउनु भयो । सहकारी अभियन्ताहरु भनेको सरकारको अंग हो, त्यसैले हामी सहकारी कर्मीहरुलाई सरकारले चलाउनु पर्छ । पछिल्लो समएमा “आएर पैसा किन्ने र बेच्ने कार्य मात्र गर्ने , कसैले केही जिम्मा दिएमा भाग्ने गरेको” भन्ने आरोप लाग्ने गरेको पराजुलीले बताउनु भयो । उहाँले थप्नुभयो जे जस्तै आरोप लागेता पनि सहकारीहरु राष्ट्रिय अर्थतन्त्रलाई टेवा दिने उदेश्यले अगाडी बढेको बताउनु भयो । नेपाल र नेपालीको हित साथै विकासको लागि सहकारी अपरिहार्य भएकोले सहकारीलाई सहज ढंगबाट सञ्चालन गर्ने वातावरण वनाउजने जिम्मा स्थानिय तहमा आएको बताउनु भयो । सहकारी संञ्चालनको लागि नीति नियम बनाउदा सोही नीतिको परिधिमा सहकारीहरु चल्ने जस्ले गर्दा विगतको तुलनामा सहकारीहरुले ठुलो फड्को मार्ने बताउनु भयो ।

पाँचखाल उपत्यका सहकारी समन्वय संयोजक विद्यालक्ष्मी देउजाको सभापतित्वमा सम्पन्न कार्यक्रममा काभे्रपलाञ्चोक जिल्ला बचत तथा ऋण सहकारी संघका अध्यक्ष रामहरी केसी, पाँचखाल नगर सहकारी विभागका संयोजक एवं वडा अध्यक्ष पुष्कर ढकाल, पाँचखाल नगरका सकहरी तथा कृषि प्रमुख इश्वर प्रसाद अधिकारी लगायतले आ—आफ्नो धारणा राख्नुभएको थियो भने स्वागत मन्तव्य उपत्यका सहकारी समन्वय समितिका उपाध्यक्ष कान्छामान तमाङले गर्नु भएको थियो ।