पाँचखालमा वृहत सांगितिक कार्यक्रम हुंदै

पाँचखाल-नव बर्ष २०७६ को अवसरमा बैशाख १ गते पाँचखालको समाजकल्याण चोकमा बृहत सांगितिक कार्यक्रमको आयोजना गरी भरपुर्ण मनोरञ्जन प्रदान गर्ने तयारी भइरहेको छ ।

चाडपर्व साथै नवबर्ष लगाएतको स्थानिय पर्बहरुको संरक्षण गर्ने उद्देस्यका साथमा हुन लागेको सो कार्यक्रममा प्रमोद निर्वान एण्ड व्याण्ड, भरत सिटौला , अविनास घिसिंङ, घमेन्द्र सेवान , शुरेस थापा, मिनराज पौडेल, कृषल कडेल, अनिता दंगाल लगाएतका स्थानिय कलाकारहरुले बिषेश प्रस्तुती रहने छ । साथमा द नेक्सट डान्सीङ कल्चर समेत हुने भएको छ ।

पाँचखाल उद्योग वाणिज्य संघ र पाँचखाल युनाईटेड फुटबल एशोसिएसन (पुफा) को आयोेजनामा हुने उक्त कार्यक्रमको लागि पाँचखाल नगरपालीकाले सहयोग गर्ने भएको छ । कार्यक्रमका संयोजक उद्योग वाणिज्य संघ पाँचखालका वरिष्ट उपाध्यक्ष नविन प्रकाश निरौलाका अनुसार कला संकृतिको संरक्षण साथै स्थानिय स्तरमा दुर दराजमा लुकि छिपि रहेका प्रतिभाहरुको संरक्षण साथै हौसला दिने उद्देश्यले कार्यक्रमको आयोजना गरेको जानकारी गराउनु भएको छ ।

जुन कार्यले गर्दा पाँचखाल र आसपासका स्थानियहरुले नव बर्ष मनाउनको लागि टाडा धाउनु नपर्ने अवस्थाको अन्त्य हुने भएको छ । आयोजकहरुले नवबर्ष मनाउने नाउमा पाँचखाल र आसपासका स्थानियहरु अन्यत्र जान नपरोस भन्ने प्रमुख उद्देश्य साथै पाँखालको पहिचान गराउनको लागि कार्यक्रमको आयोजना गरेको उद्योग वाणिज्य संघ पाँचखालका अध्यक्ष राजन कार्कीले वताउनु भयो ।