रोटरी क्बलको सहयोग धुलिखेल अस्पताललाई

धुलिखेल-रोटरी क्बल अफ धुलिखेलले धुलिखेल अस्पताललाई सहयोग गरेको छ । अस्पतालबाट सेवाग्राहिहरुलाई उपचारमा सहज रहोस भन्ने उद्देश्यले फिजियोथेरापी मेसिनहरु सहयोग गरेको जानकारी प्राप्त भएको छ ।

रोटरियन जोत्सना सैजुंका अनुसार नेपालमा मेडिसिटि अस्पतालमा मात्र रहेको आधुनिक उन्नत किसिमको धुलिखेल अस्पताललाई उपलब्ध गराएको हो । अस्पतालमा भएको एक कार्यक्रमको अवसरमा रोटरी डिष्ट्रिक ३२९२ का डिष्ट्रिक गर्भनर चिन्तामणी भट्टराई र रोटरी क्लब अफ मार्बल हेड हार्बरका डा.प्यात्रिसियाद्वारा संयुक्त रुपमा धुलिखेल अस्पतालका डा.रमेश माकजुलाई हस्तान्तरण गर्नुभयो ।

कार्यक्रममा रोटरी क्बलका पदाधिकारीहरु र अस्पतालका फिजियोथेरापीयनहरु उपस्थिति थियो । रोटरी क्बल अफ धुलिखेलद्वारा धुलिखेल अस्पतालका ६ वटा सेन्टरमा फिजियोथेरापी ईकाइ गठन गर्दैछ भन्ने जानकारी असिसटेन गर्भनर तथा परियोजना संयोजक रन्जीब श्रेष्ठले जानकारी गराउनु भयो ।