निःशुल्क शिविरमा सयौं लाभान्वित

पाँचखाल-पाँचखाल नगरपालिका स्वस्थ्य शाखाको आयोजनामा प्रत्तेक आर्थिक बर्षमा नगरको दुई स्थानमा बृहत ढंगको निःशुल्क शिविर सञ्चालन गर्ने लक्ष अनुसार पाँचखाल ९ साठीघर स्वास्थ्य चौकीमा शिविर सम्पन्न भएको छ ।

पाँचखाल नगरपालिकाको आयोजना तथा धुलिखेल अस्पतालको प्राबिधिक सहयोगमा सम्पन्न भएको उक्त शिविरमा ४ सय ६ जनाले स्वस्थ्य परिक्षण गराएका थिए । शिविरमा सामान्य परिक्षण, आँखा परिक्षण, दाँत परिक्षण भएको थियो ।

पाँचखाल नगरपालिका स्वस्थ्य शाखा उप—संयोजक बिष्णु गौतमका अनुसार आँखा परिक्षण गर्दा ३३ जनामा मोतिया बिन्दु भेटिएकोले उनिहरुलाई मासुनागा आँखा अस्पतालमा लगि अपे्रशन गराउने र त्यसैगरी ९५ जनाको दाँत परिक्षण गर्दा ३० जनाको दाँत फुकाल्नु पर्ने भएकोले धुलिखेल अस्पतालमा लगि फुकाल्ने तयारी गरेको बताउनु भयो । उप—संयोजक गौतमका अनुसार शिबिरमा स्वास्थ्य परिक्षण गर्दा स्वास्थ्य संम्बन्धि समस्या भेटिएकाहरुलाई निःशुल्क औसधि उपलब्ध गाराएको थियो ।

शिविर संञ्चालनको बारेमा पाँचखाल नगरपालिका स्वास्थ्य संयोजक उज्वल अधिकारीले भन्नुभयो, नियमित रुपमा स्वास्थ्य परिक्षण गर्नु पर्ने उमेरका स्थानियले स्वास्थ्य परिक्षण गराउन समस्या परेकाहरुलाई सहज रहोस भन्ने उद्देस्यले शिविर संञ्चालन गरेको बताउनु भयो । आगामि दिनहरुमा शिविर संञ्चालन गर्दा आँखा, नाक,कान घाँटि, साथै सुगर, मुटु, मृगौला समेतको परिक्षण गर्ने लक्ष लिएको बताउनु भयो । स्वास्थ्य परिक्षणको लागि इच्छा हुंदाहुंदै आर्थिक समस्याको कारणले परिक्षण गराउन नपाउनेहरुका लागि शिविरले ठुलो राहत मिल्ने भएकोले बर्षको दुई स्थानमा संञ्चालन गरेको बताउनु भयो ।