प्याब्सबाट ९ सय ६३ बिद्यार्र्थी सम्मानीत

बनेपा – एसईई परिक्षामा उत्कृष्ट अंक ल्याउने ९सय ६३ जना बिद्यार्थी सम्मानीत भएका छन । निजी तथा आवासीय बिद्यालय अर्गनाइजेशन नेपाल (प्याब्सन) जिल्ला कार्यसमिति काभे्रले ५० संस्थागत बिद्यालयका ९६३ बिद्यार्थीलाई सम्मान गरेको हो ।

बनेपामा एक कार्यक्रमका बीच ३.२५ देखी ४ जिपिए ल्याउने बिद्यार्थीलाई सम्मान गरेको प्याब्सनले जनाएको छ । ४ जिपिए ल्याउने सुर्योदय माविका सुभेष धांजु र क्षीतिज मा.विका आरती ढुंगानालाई बिषेश सम्मान गरेको थियो भने सम्बन्धित विद्यालयहरुलाई समेत सम्मान गरीएको थियो । उक्त सम्मान कार्यक्रममा सम्बोधन गर्दै निजी तथा आवासीय बिद्यालय अर्गनाइजेन नेपालका केन्द्रीय अध्यक्ष टीकाराम पुरीले मुलुकको शैक्षिक गुणस्तरीयतामा निजी बिद्यालयले महत्बपूर्ण भूमिका खेलेको बताए ।

प्याब्सनका बरिष्ठ उपाध्यक्ष राजेन्द्र बाँनियाले अहिले कक्षा १० सम्म सञ्चालनमा रहेका निजी बिद्यालयहरुले कक्षा ११ र १२ सञ्चालन गर्नुपर्नेमा जोड्दिदै यसले काभे्रलाई शैक्षिक हव बनाउन सहयोग पुग्ने बताए । प्याब्सनका जिल्ला अध्यक्ष पूर्णकुमार श्रेष्ठले बिद्यार्थीको हौसल प्रदान गर्न सम्मान कार्यक्रम गरिएको बताए । यस्ता किसिमका कार्यक्तमहरुले विद्यार्थीहरुमा उर्जा जाग्रीत हुने र सम्बन्धित बिषय प्रति चासो जाने हुंदा विद्यालयहरुले आन्तरिक रुपमा पनि यस्तथा किसिमका सम्मान कार्यक्रमहरु राख्न उपयुक्त रहने सुझाव दिनुभयो ।

कार्यक्रममा स्वागत मन्तव्य जिल्ला कार्यसमितिका बरिष्ठ उपाध्यक्ष सरोज न्यौपानेले गरेको उक्त सम्मान कार्यक्रममा प्याब्सनका केन्द्रीय उपाध्यक्ष गोपाल आचार्य, सचिव भीमसेन केसी, प्रदेश न ३ का सहकोषध्यक्ष श्रीकृष्ण श्रेष्ठ, जिल्ला उपाध्यक्ष महेन्द्र थिङ, सञ्चारकर्मी लगायतको उपस्थिती रहेको थियो ।