गजल

 काँच जस्तो मन, नदि जस्तो

अाँखा बोकेर

गयो रूदै परदेशी जहाजमा

सपना बोकेर

 

कसैलाई अाधा सुम्पिनु अघि,

यति त सोच्नु पर्थ्यो

कठिन हुन्छ जिउन जिन्दगी

मुटु अाधा बोकेर

 

जिन्दगी, जिन्दगी जस्तो रहेन,

रहर, रहर रहेन

र पनि बाँच्नै पर्ने बाध्यता छ,

छातीमा ढुंगा बोकेर

 

न्याय माग्दै अन्तिम पटक अामा

अदालत पुगिन

बलात्कृत छोरीको एक- टुक्रा

कपडा बोकेर

 

हिजो छोरो बोकेर बा अामा

पाठशाला गएथ्यो

अाज छोरो गयो बृद्धाश्रम बा –

अामा बोकेर

 

राज अबिरल लामा कोशीपारी काभ्रे ।