गुटगत राजनीतिले निम्त्याएको तरंग

राजनीतिमा चेतना साघुरिदै जानुले गुटगत राजनीतिले जरो गाड्ने मौका पाएको छ । जरो गड्दै गरेको अवस्थालाई मध्य नजर राख्दै समयमै जराहरुलाई काँट छाँट नगर्ने हो भने राम्रैसंग फैलने प्रवल संम्भावना रहन्छ । जव गुटगत राजनीतिले जरो फैलाई मजबुत हुन्छ सो समयमा समस्याको समाधानकोे वदला पछुताउनुको विकल्प रहंदैन । साथै अवसरहरु वाँड्दै लक्षलाई चुम्नको लागि अगि बड्नुको वदला पछि धकेलिन बाध्य पर्नुपर्ने हुन्छ । पछिल्लो समयमा राजनीतिमा फैलंदै गएको गुटगत तरिकाले गर्दा दलहरुलाई मात्र नभई मुलुकको हितको लागि समेत समस्या परेको छ । नेपाल र नेपालीको हितको खातिर पक्ष र प्रतिपक्षहरु समेत एक जुट भएर अगाडी बढ्नुपर्ने अवस्थामा गुटको कारण आन्तरिक किचलोले गर्दा महत्वपुर्ण समय विवाद समाधानमै वितेको छ ।

दलिय व्यवस्थामा दलहरुका विचमा प्रतिस्पर्धा हुनु स्वभाविक हो, हुनुपर्छ पनि । दलहरुका विचका प्रतिस्पर्धाले एक आपसमा सजगता हुने अवसर मिल्छ, जुन मुलुक र व्यवस्थाको लालि हित योग्य रहन्छ । शक्तिमा रहेकाले गैर कानुनि ढंगको कार्य गर्लान भनि निगरानी राख्नु प्रतिपक्षको दायित्व हो । त्यसैगरी दलहरुका नाउमा मुलुकको हित विपरित कार्य नगरुन भनि सचेत हुनु सरकारमा रहेकाको जिममेवारी हो । तर दलहरुका विचमा हुदै गरेका राम्रा नराम्रा कार्यको बारेमा मुल्याङ्कन गर्दै नराम्रा कार्यको बारेमा खवरदारी र राम्रा कार्यलाई साथ सहयोग गर्नु पर्नेमा आन्तरिक कचिङ्गलोले गर्दा उत्पन्न हुने गुटगत राजनीतिमै समय खेर गएको छ , जुन कार्यले गर्दा व्यवस्था माथिनै खतरा हुन सक्छ ।

नेपाली जनताको लामो त्याग तपस्या साथै बलिदानिको कारण मुलुकमा आएको परिवर्तन गुटगत राजनीतिमा अलमलिनको लागि नभई सताब्दिऔं देखिको नेपाली जनताको अधुरा सपना साकार पार्न हो । तर जनताको चाहना पुरा गर्न गुटगत राजनीति नभई एक जुट भएर अगाडी बढ्न आवश्यक छ । पछिल्लो समयमा आएर ठुला कम्युनिष्टहरुको एकता र काँगे्रसमा पनि साना दलहरुसंग भएको एकताले सकारात्मक शंदेस दिएको थियो । तर कम्युनिष्टहरुका विचमा भएको एकता लाई पुर्ण गराउन गुटगत राजनीतिले तगारो तेस्र्याई रहेको छ । त्यसैगरी काँगे्रस भित्र पनि आन्तरिक कचिङ्गलो उस्तै । गुटगत राजनीति गर्नु भनेको पानी तताएर बाक्लो पार्न खोज्नु सरह हो । पलास्टिकको लगौटी लगाएर लाज छोप्न खोज्नु र गुटगत राजनीति गरेर पार्टीलाई वमजवुत पार्न खोज्नु एकै भएकोले फुटेर नभइ जुटेर अगाडी बढ्न जनताले साथ दिएका हुन्, हिजोका दिनमा जसरी जनताले साथ दिए त्यसलाई बेवास्ता गर्दै गुटको राजनीतिबाट अगाडी बढ्न खोजे परिणाम नकारात्मक आउन सक्ने प्रवल संम्भावना छ ।