मौलाउदै गरेको गाँज र स्थानिय सरकार

समाजमा हुने कुनैपनि गैह्र कानुनि कामलाई नियन्त्रणमा लिदै सु—साशण कायम गराउनु स्थानिय तहको सरकारको दायित्व हो । सिंहदरवारको अधिकार स्थानिय तहका सरकारले सम्हाल्दै आएको समयमा विगतमा भन्दा सु—साशण कायम होला भन्ने जनताले आशा गरेका छन् । समाजमा हुने बिभिन्न प्रकारको विकृतिको अन्त्य गर्ने कार्यको लागि बिगतमा सिंहदरवार मार्फत हुने गरेको थियो । जसले गर्दा जनताले सोचे जतिको उपलब्धी हासिल गर्न सकेको थिएन । सिंहदरवारको कार्य क्षेत्र ठुलो भएकोले सवै तिर समान ढंगबाट सेवा प्रदान गर्न नसकेको महसुस गर्दै अधिकार स्थानिय तहलाई सुम्पिएको हो ।

स्थानिय तहमा अधिकार प्राप्त भएपछि जनताहरुले ठुला ठुला आश गरेका थिए । तर स्थानिय सरकारको नेतृत्व गर्नेहरुले जनताको अपेक्षा पुणर््ा गर्ने भाषणहरु सुन्न पाउदा जनतामा थप आशा जाग्नु स्वभाविकै हो । तर सिंहदरबारका अधिकार लिएका जनप्रतीनिधिहरुले जनतालाई आश्वासण दिन थालेको २८ महिना पार भईसकेको छ । तर कुन कुन नेताले बोलेको कुरा पुर्ण भयो कुनकुनले बोलेको पुर्ण भएन भन्ने बिषयमा जनताहरुले यो २८ महिने अवधिमा डाटा केलाउन थालेका छन् । जनताले डाटा केलाउंदै जादा धेरै आश्वासण दिय तर थोरै पुर्ण भएको पाएका छन् । कतिपय नेतालेत सपथ लिने समयमा जे बोले आज पनि उहि भाषण गर्दैछन् ।

जनताको पहिलो चाहना भनेको समाजमा शान्ति सुरक्षाको साथै बिकृति विसंगतिको अन्त्य गर्नु हो । दोस्रोमा विकास निर्माण साथै पारदर्शिता । त्यसैगरी हर प्रकारको सेवा लिने कार्यमा सहजता र बिकृति विसंगतिको अन्त्य सार्वजनिक सम्पत्तिको संरक्षण । सामाजिक बिकृतिको रुपमा रहेको गाँजा, स्थानिय मदिरा साथै जुवातास । तुलनात्मक रुपमा जुवातास र घरेलु मदिरा निर्मुल नभएपनि विगतबाटै नियन्त्रणमा रहेको छ । तर गाँजा भने विगतको तुलनामा मौलाउदै गएको छ । सवारी दुर्घटना देखि विभिन्न घटनामा गाँजा सेवनको कारण खुलेको छ । हिजो सिंहदरवारमै अधिकार हुदा प्रहरीले गाँजा फडानीलाई अभियानको रुपमा अगाडी बढाउने गरेको थियो । तर हाल भाषणमा स्थानिय सरकारले गाँजा फडानीलाई तिब्र पार्छौ भन्ने गरेको पनि धेरै समय भयो । स्थानिय सरकारको भनाईलाई हो मा हो थप्ने कार्यमा प्रहरी पनि सामेल हुन्छ तर राजमार्ग, भित्रि ग्रामिण सडक साथै कतिपय कार्यालयहरुमा मौलाउंदै गरेको गाँजामा कसैको ध्यान नपुग्नु भनेको सामाजिक बिकृति विसंगतिलाई टेवा दिनु सरह हो ।