जागिर छाडेर हिड्ने कार्यबाट प्रहरीलाई जोगाऊ

पछिल्लो समयमा आएर बाहालवाला प्रहरीहरु जागिर छाडेर बाहिरिने क्रम बढेको छ । समाजमा शान्ति सुरक्षा कायम गर्ने कार्यमा कसम खाएका प्रहरीहरुले विचैमा जागीर छाडेर वाहिरिनुले शान्ति सुरक्षा प्रदान गर्ने बिषयमा समस्या आउन सक्छ । विगत बर्षहरुमा धेरै चासो दिएर प्रहरीमा भर्तीहुनेहरु पछिल्लो समयमा आएर बाहिरिनुको कारणको खोजि गर्न जरुरी छ । थोरै संख्यामा माग हुंदा हजारौंको संख्यामा जागीरको लागि लामबद्ध हुने ति विगतका दिनलाई सम्झंदा र हालको अवस्थालाई मध्यनजर राख्दा ठुलो भिन्नता आएको छ ।

७५ हजार दरबन्दी रहेको नेपाल प्रहरीमा ६ हजार १ सय स्थान खालि रहेको छ । प्रहरीमा ३० बर्षे सेवा अवधि भएपनि २० बर्षमा पेन्सन भएपछि राजिनामा दिई हाल्नेको संख्या बढ्ने मात्र नभई सेवा अवधि नपुगेकाहरुले विचैमा जागिर छाड्ने गरेका छन् । यसरी जागिर छाड्नेमा माथिल्लो दर्जाका भन्दा तल्लो दर्जाका धेरै रहेका छन् । ३ हजार ६ सय ५६ ले जागिर छाडेका मध्य सिनियर दर्जाका २५ र जुनियर ४ सय ७९ मात्र छन् भने हवल्दार प्रहरी जवान कार्यालय सहयोगि गरी ३ हजार १ सय ५२ जनाले राजिनामा दिएका छन् ।

विगतमा मुलुकमा जनयुद्ध चलि रहंदा समेत जागिर नछाड्ने प्रहरीहरुले पछिल्ला समयमा यसरी ठुलो संख्यामा राजिनामा दिनु सकारात्मक सन्देस होइन । सिनियर प्रहरी अधिकृतहरुले यसरी जागिर छाड्नुको कारण प्रहरीमा भन्दा राम्रो अवसर अन्त पाउंदा राजिनामा दिएको बताउंदै आएका छन् । तर जागिरबाट राजिनामा दिनुको कारण अवसरको खोजी मात्र नभइ तल्ला दर्जाका प्रहरीहरुलाई गर्ने भेदभावको व्यवहारले गर्दा समस्या आएको हो । एउटा प्रहरी जवानको लागि दिईने तालिम लगाएतका कार्यमा सरकारको ठुलो लगानी भएको हुन्छ तर विचैमा छाडेर जाँदा लगानी खेर जाने हुंदा । जागीरमा भर्ती भएका प्रहरीलाई टिकाउन निष्पक्ष साथै भेदभाव रहित ढंगको कार्यको जरुरी रहन्छ ।
प्रहरी पनि आखिर मानिस हो, अरु कर्मचारीले ६ घण्टा डिउटी गर्दा हुने । बाँकी समय परिवारसंग तर प्रहरीले आवश्यक भयो भने १८ घण्टा सम्म खट्नु पर्ने, परिवारसंग रमाउने समय छंदै छैन । महत्व पुर्ण चाड पर्वमा अरु परिवारका साथमा रमाई रहेका हुन्छन्, मुलुकका पहरेदारहरु नेपाल प्रहरी, सशस्त्र प्रहरी, नेपाली सेनाले भने डिउटीमै समय विताउनु पर्ने । यति धेरै मिहनतका साथ काम गर्दा पनि सेवा सुबिधा भने कम । त्यतिमात्र नभई तल्लो तहका प्रहरीहरुलाई माथिल्लो दर्जाकाले गर्ने अमानविय व्यवहारले गर्दा समेत समस्या भएको हो । मुलुकको हितको खातिर कार्य गर्दै आएका प्रहरीलाई उनीहरुको काम अनुसारको सेवा सुबिधा दिदै समान व्यवहार गर्ने हो भने राजिनामा दिनेको संख्या घट्छ ।