प्रहरीलाई सघाउनु हाम्रो पनि कर्तव्य हो – कुंवर

आर.एल.श्रेष्ठ
भुम्लु-स्थानिय तहले शान्ति सुरक्षालाई प्राथमिकता दिदै अगाडी बढ्नुपर्ने उद्देश्यका साथ बढ्दै प्रहरीसंग हातेमालोका गर्दै एक अर्का विचको समस्यालाई एक साथ लिएर अगाडी बढ्ने भएको छ ।

अधिकांस स्थानिय तहले सुरक्षाको लागि प्रहरीलाई साथ लिदै आए पनि प्रहरीको समस्याको बिषयमा खासै चासो नलिई रहेको अवस्थामा काभ्रेको भुम्लु गाँउपालिकाले भने प्रहरीको समस्यालाई समेत मध्यनजर राख्दै अगाडी बढेको छ ।

गाउंपालिकामा रहेको चारओटा प्रहरी चौकीसंग समन्वय गर्दै चौकीको तर्फबाट पालिका वासिहरुको शान्तिसुरक्षा लाई मजवुत पार्न पालिकाको भूमिकाको बिषयमा छलफल गर्दा यातायात साधनको आवश्यक महसुश गर्दै चारओटै चौकिको लागि मोटरसाईकलको व्यवस्था गरेको छ । गाउंपालिकाले उपलब्ध गराएको मोटरसाईकल एक कार्यक्रमको आयोजना गरी गाँउपालिकाका अध्यक्ष गुमानध्वज कुँवरले जिल्ला प्रहरी कार्यालय काभ्रेका एसपी जयराज सापकोटालाई हस्तान्तरण गर्नुभयो ।भुम्लु गाँउपालिकामा प्रहरीचौकी फँलाटे, प्रहरीचौकी चौवास, प्रहरीचौकी दोलालघाट र अस्थायी प्रहरी पोष्ट सल्लेभुम्लु रहेको छ । उक्त चारओटै चौकीलाई मोटरसाईकल उपलब्ध भएपछि कुनै पनि घटनामा चारै तिरबाट एकै साथ आइपुग्न सक्ने भएको छ ।

हस्तान्तरण कार्यक्रममा गाँउपालिकाका अध्यक्ष गुमानध्वज कुँवरले शान्ति सुरक्षा कायम गराउन सवारी साधनहरुले भुमिका खेल्ने बताउनु भयो । उहाँले थप्नुभयो प्रहरी संघ सरकार र प्रदेश सरकारको मातहतमा रहेपनि स्थानिय तहले पनि सघाउन जरुरी रहेको बताउनु भयो ।
मोटरसाईकल बुझ्दै जिल्ला प्रहरी कार्यालय काभ्रेका प्रमुख एसपी जयराज सापकोटाले स्थानीय सरकारको रुपमा काभ्रेको भुम्लु गाँउपालिकाले उच्च मनोवल पुग्ने हिसाबले प्रहरीलाई सहयोग गरेको बताउनु भयो । सवारी साधनहरुको कारणले समाजमा हुने अपराधका घटनामा कमी गराउने कार्यमा प्रहरी खटिने एसपी सापकोटाले बताउनु भयो ।

कार्यक्रममा पालिकाको उपाध्यक्ष कल्पना श्रेष्ठ, नेपाल पत्रकार महासंघ काभ्रेका अध्यक्ष मोतिराम तिमल्सिना, भुम्लु गाँउपालिकाको प्रमुख प्रशासकीय अधिकृत हरिवल्लभ घिमिर, वडाअध्यक्ष रमेशराज खरेल लगायतले आ—आफ्नो धारणा राख्नु भएको थियो ।