पनौती नगरवासीले भोको बस्नुपर्ने छैन- प्रमुख न्यौपाने

प्रल्हाद शर्मा हुमागाई
पनौती/विश्वव्यापी रुपमा कोभिड–१९ को महामारीले आक्रान्त हुन पुगेको अवस्थामा पनौती नगरपालिकाले नगरभित्र रहेका निम्न आय भएका नागरिकहरुका लागि राहत वितरण कार्य तीव्र पारेको छ । सोही विषयमा राहत संकलन केन्द्रमा प्रतिक्रिया दिन क्रममा पनौती नगरपालिकाका नगर प्रमुख भिम न्यौपानेले नगरवासीलाई भोको बस्नुपर्ने छैन भन्नुभएको छ ।

द्रुत गतिमा राहत वितरण भइरहेको स्मरण गराउँदै कुनै पनि नगरभित्र बसोबास गर्ने नागरिकले लकडाउनको कारण भोको बस्नुपर्ने छैन । त्यसका लागि विभिन्न तह र तप्काका सहयोगी हातहरुले भरपुर सहयोग पु¥याएको प्रमुख न्यौपानेले जानकारी दिँदै यो महामारीसँग लड्न लकडाउनलाई पालना गर्न नगरवासीमा अनुरोध समेत प्रमुख न्यौपानेले गर्नुभएको छ ।

पनौती नगरपालिकाका १२ वटै वडामा स्थायी तथा अस्थायी बसोबास गर्ने निम्न आयस्तर भएका नागरिकहरुको दैनिकीलाई सहज बनाएको वरिष्ठ प्रशासकीय अधिकृत इन्द्रप्रसाद अधिकारीले बताउनुभएको छ । उहाँका अनुसार मंगलबारसम्म करिब ४५ सय परिवारलाई राहत वितरण भएको बताउनुभएको छ । नगरपालिका र सहयोगी हातहरुबाट दैनिक रुपमा आर्थिक अवस्था कमजोर भएर जिविकोपार्जनमा समस्या सिर्जना भएकाहरुका लागि खाना, खाजाको समेत व्यवस्थापन गरिएको जानकारी अधिकृत अधिकारीले गराउनुभएको छ । त्यस्तै नगरपालिकाको एकद्वार नीति अन्तर्गत हालसम्म झण्डै ३ दर्जनभन्दा बढी संघसंस्थाहरुले सहयोग उपलब्ध गराइसकेको र स्वतः स्फूर्त रुपमा राहत समेत वितरण भएको बताउनुभएको छ ।

पनौती युवामञ्चका अध्यक्ष सौगात बस्नेतका अनुसार युवाहरुको व्यक्तिगत सहयोगमा मंगलबार साँझसम्म करिब हजारको हाराहारीमा खाजा, खाना वितरण भएको बताउनुभएको छ । लकडाउनलाई मध्यनजर गर्दै प्याकिङ गरेर यथास्थानमा सहयोगी मार्फत् पु¥याउने व्यवस्थासमेत गरिएको अध्यक्ष बस्नेतले बताउनुभएको छ । यस किसिमको सेवा लकडाउन अवधिभर गरिने छ । त्यसका लागि बजेट व्यवस्थापनको कुरा राख्दा अध्यक्ष बस्नेत थप्नुहुन्छ– स्थानीय दाताहरुले खुलेर सहयोग गरेकै कारण यो सेवा दिन सम्भव भएको बताउनुभएको छ । उहाँका अनुसार नगर प्रमुखले दिनुभएको अभिव्यक्ति अनुसार पक्कै पनि पनौती नगरभित्र स्थायी वा अस्थायी बसोबास गर्ने निम्न आयस्तर भएका कुनै पनि नागरिक भोको बस्नुपर्ने छैन । त्यो लक्ष्य पूरा गर्न हामी युवा सक्रिय हुनेछौं भन्दै यो संकटको घडिमा सहयोग पु¥याउनुहुने हातहरुप्रति आभार समेत अध्यक्ष बस्नेतले व्यक्त गर्नुभएको छ ।

त्यसैगरी वडा सचिव राजकुमार श्रेष्ठका अनुसार नगरका सबै वडा समितिले यो समस्यालाई गम्भीर रुपमा लिएको र यसको सामना गर्न नगरवासीलाई उत्प्रेरित गर्ने लक्ष्य सहित बस्तीको अनुगमनमा समर्पित गर्न समेत वडा सचिव श्रेष्ठले बताउनुभयो । जसका कारण पनौती नगरमा लकडाउन प्रभावकारी ढंगबाट कार्यान्वयन हुन सफल भएको धारणा समेत वडा सचिव श्रेष्ठको थियो ।

क्वारेन्टाइन सेवा सहित कोभिड–१९ का विरुद्ध सशक्त ढंगले नगरवासीको स्वास्थ्य सुरक्षाका लागि समर्पित पनौती नगरपालिकाले नागरिकको स्वास्थ्य सुरक्षामा विश्व स्वास्थ्य संगठनको मापदण्ड अनुसार आफूलाई उभ्याउने जमर्काे गरेको पाइयो । नगरमा छुट्टै डेस्कको व्यवस्थापन गरेर राहत संकलन र वितरणलाई एकद्वार नीति अन्तर्गत पारदर्शी ढंगबाट व्यापक पार्नुको साथै प्रत्येक वडाको अवस्थाका बारेमा दैनिक जानकारी लिइरहेको दृश्यलाई पनि चर्चा गर्न लायक सम्झियो । यसबाट नगर नेतृत्व नगरवासीप्रति कति जिम्मेवार छ भन्ने तथ्य प्रष्ट हुन्छ ।

पछिल्लो समय विश्वमा दैनिक हजारौंको ज्यान लिइरहेको कोरोना भाइरसका विरुद्ध स्थानीय सरकारको प्रयास अनुकरणीय भएको त्यससँग सरोकार राख्ने बौद्धिक विश्लेषकहरुको धारणा पाइन्छ । त्यसैले यस किसिमको व्यवस्थापनलाई जिल्लाका मात्र नभएर मुलुककै स्थानीय सरकारले भौगोलिक विविधता सँगसँगै आफूलाई पनि रुपान्तरण गर्न र कोभिड–१९ का विरुद्ध सशक्त रुपमा उभ्याउन आवश्यक छ । यति मात्र गर्न सकियो भने पनि यो महामारीबाट मुलुकबाट टाढा राख्न बल पुग्छ । त्यसैले स्थानीय सरकारले स्थानीय स्तरमा तथ्यांक संकलन गरी यथार्थता बाहिर ल्याउन जरुरी छ । जसका कारण कोभिड–१९ का बारेमा सहज रुपमा अध्ययन गर्ने बाटो खुल्नेछ ।