तालिममै सीमित नबनोस्, स्वरोजगारका लागि अनुकरणीय भूमिका निर्वाह गरोस्

पाँचखाल/अक्फोर्ड एडभान्स ईन्जिनियरिङ्ग प्रा.लि.को प्राविधिक सहयोगमा पाँचखाल नगरपालिका—४, मा नेपाल सरकार, शिक्षा मन्त्रालयद्वारा विश्व बैंङ्कको आर्थिक सहयोगमा सञ्चालित व्यावसायिक शिक्षा तालिम अभिवृद्धि परियोजना (EVENT II)  दोस्रो निःशुल्क ३ महिने वा ३ सय ९० घण्टा कार्य अवधिको २० जना प्रशिक्षार्थी सहभागि गराई दिइएको सामुदायिक कृषि साहायक तालिम अन्तर्गत सी.टि.ई.भि.टी. को राष्ट्रिय सीप परीक्षण समितिले तयार पारेको राष्ट्रिय सिप प्रमाणपत्र व्यवसायिक तह —१ को प्रमाणपत्र वितरण सम्पन्न गरियो ।

उक्त कार्यक्रममा पाँचखाल नगरपालिकाका उपप्रमुख लक्ष्मी दनुवारको प्रमुख आतिथ्यतामा सम्पन्न भएको थियो । उक्त कार्यक्रममा वोल्दै उपप्रमुख लक्ष्मी दनुवारले यस तालिमले वेरोजगार महिलाहरुलाई स्वरोजगार वन्न मद्दत पु¥याएकोमा अक्फोर्ड एडभान्स ईन्जिनियरिङ्ग प्रा.लि.लाई धन्यवाद दिँदै यस तालिमको प्रमाणपत्रलाई सहभागिहरुले सिरानमा हालेर नसुति यसको सदुपयोग गर्न कृषि उत्पादनको कार्यमा लागि यस सिपलाई अरुहरुलाई समेत प्रसार गरी तालिम उद्देश्य अनुरुप महिलाहरु आर्थिक उपार्जनमा लाग्नुपर्ने बताउनुभएको थियो ।

अतिथीको आसनवाट वडा नं. ३ का वडाध्यक्ष सुन्दर अधिकारी लगायतले तालिमले एउटा व्यवसायिक सिप र प्रविधि दिएकाले यसको सदुपयोग गर्नु पर्ने वताउनु भयो भने तालिम संयोजक अर्जुन प्रसाद सापकोटाले तालिमवाट प्राप्त ज्ञान, सिप र कृषि प्रविधिलाई आफुले उदाहरणको रुपमा कार्य गरेर देखाई यसै पेशामा लागि आयआर्जनको व्यवसायिक जीवनयापनमा लाग्न र अरुहरुलाई समेत यस सिप प्रविधिवाट उन्नत प्रविधिको खेती गर्न सेवा प्रदान गर्न उत्प्रेरित गर्नुपर्ने बताउनुभएको थियो । तालिम संयोजक अर्जुन प्रसाद सापकोटाको सभापतित्वमा सम्पन्न भयो ।