बुद्धभुमि नपाका वडा अध्यक्ष खरविन्दप्रति श्रद्धाञ्जली

धनी राम कोरी
कपिलवस्तु/कपिलवस्तु जिल्लाको बुद्धभुमी नगरपालिका वडा नं. १० का वडा अध्यक्ष त्रिलोकीप्रसाद खरविन्दको मृत्यु भएको छ । ५६ वर्षिय वडा अध्यक्ष खरविन्दको शनिवार निधन भएको हो ।
उनी समाजवादी पार्टीबाट वडाध्यक्षको उम्मेदवार भई विजयी भएका थिए । खरविन्दको अन्तिम संस्कार शनिबारै रामघाटमा गरिएको पुर्व समाजवादी पार्टीका जिल्ला अध्यक्ष शैलेन्द्रकुमार यादवले बताएका छन् । खरविन्द मुटु र मृगौला रोगबाट पिडित थिए ।
जनता समाजवादी पार्टीले हार्दिक श्रद्धाञ्जलीको विज्ञप्तिमार्फत् आफ्नो पार्टी र पहिचान सहितको संघीयता, लोकतान्त्रिक, गणतन्त्र एवम् विभेद अन्त्य तथा समाजिक न्यायको आन्दोलनलाई अपुणर्निय क्षति भएको उल्लेख गरिएको छ ।
दिवंगत त्रिलोकी खरविन्दप्रति जनता समाजवादी पार्टी नेपालको तर्फबाट भावपुर्ण श्रद्धाञ्जली व्यक्त गर्दै शोक सन्तप्त परिवारजनमा जनता समाजवादी पार्टी हार्दिक समवेदना प्रकट गर्छ भनिएको छ ।