काभ्रेमा कोभिड संक्रमितको संख्या थपिँदै

बनेपा । काभ्रे जिल्लामा जिल्ला स्वास्थ्य कार्यालयले जनाएअनुसार कोरोना भाइरस संक्रमितहरुको संख्या मंगलबारसम्मको तथ्यांक सार्वजनिक गरिएको छ । जसमा सर्वसाधारणदेखि राजनीतिक व्यक्तित्व समेत संक्रमित हुन पुगेका छन् । स्थानीय तह अन्तर्गत सबैभन्दा बढी संक्रमित बनेपा नगरपालिका जहाँ मंगलबारसम्म २ सय २८ छन् भने सबैभन्दा कम चौरीदेउराली र खानीखोला गाउँपालिका रहेका छन् । जहाँ प्रति गाउँपालिका १/१ जना संक्रमित भएको जिल्ला स्वास्थ्य कार्यालयले पुष्टि गरेको छ ।

जसमध्ये १५ सय भन्दा बढि संक्रमित देखिएका छन् । संक्रमित भएपश्चात् निको हुनेको संख्या पनि त्यसैगरी डबलिएको छ । जसका कारण संक्रमण हँुदैमा आत्तिनुपर्ने अवस्था नरहेको जिल्ला स्वास्थ्य कार्यालय काभ्रेले पुष्टि गरेको छ । होम आइसुलेसन, क्वारेन्टाइन, आइसुलेसन, हस्पिटलमा रहनुहुने सम्पूर्ण संक्रमितहरु सबैभन्दा पहिला उच्च आत्मावलका साथ कोभिड १९ लाई पराष्त गर्न सक्ने क्षमता राख्नु नै महत्वपूर्ण पाटो रहेको जिल्ला स्वास्थ्य कार्यालय काभ्रेका प्रमुख डा. नरेन्द्रकुमार झाले बताएका छन् । उहाँका अनुसार कोभिडको औषधी उपलब्ध नभएता पनि हाम्रै गाउँबस्तीमा प्राप्त हुने जडिबुटी र चिकित्सकको सल्लाह बमोजिम उपयुक्त औषधी सेवन लगायतका विशेष कुरालाई ख्यालमा राख्न सकियो भने कोभिडलाई जित सकिने बताउनुभएको छ ।
उहाँका अनुसार तपाईंलाई रुघाखोकी छ, ज्वरो सय फरेनहाइटभन्दा माथि छ भने लगातार ७ दिनसम्म ज्वरो, रुघाखोकी निको नहुन्जेलसम्म संक्रमितहरुले यो पद्धति अपनाउन सकेमा लाभदायिक सिद्ध हुनेछ ।
जसमा जडिबुटीमा गुर्जाे एक तोला करिव १२ ग्राम भन्दा माथि, २ तोला २४ ग्रामसम्म (सिलौटोमा कुटेर) र समान भागमा अदुवा राखेर जिरा, बेसार, दालचीनी ५ ग्राम, मरिच २५ गेडा, कालो बिरेनुन अथवा मिश्रि, मह लगायतका जैविक औषधीहरुको उपयोग गर्नु लाभदायिक ठहरिन्छ तर आफ्नो शरीरमा रहेका दीर्घ रोगहरु मधुमेह, उच्च रक्तचापको अवस्था हेरेर यदि मधुमेह छ भने कालोनुन (बिरेनुन) राख्नु होला र ज्वरो सय फरेनहाइट भन्दा माथि छ भने कालो जिरा २५–३० गेडा राखेर सम्पूर्ण आयुर्वेदिक मिश्रण बनाई औषधीको रुपमा एक लिटर पानीलाई आधा लिटर हुने गरी पकाएर आफुलाई आवश्यक पानी गिलासमा राखि उपयोग गर्नु उचित हुन्छ । उक्त उमालेको पानी क्रमशः ८ घण्टासम्म उपयोग गर्न सकिन्छ ।

सोही क्रममा संक्रमितले तातोपानीको बाफ दिनमा दुई पटक लिनु स्वास्थ्यको लागि उपयुक्त रहन्छ । आफू बस्ने कोठा वातावरणीय हिसाबले उपयुक्त हुनुपर्छ । जहाँ बाहिरी वातावरणको सहजै पहुँच पुगेको हुनुपर्छ ।