बहुमतको सरकार अफाव सिद्ध

नेपाली जनताको ठुलो त्याग र तपश्या साथै बलिदानि पछि मुलुकमा बहुदल घोषणा भयो । २०४६ सालमा बहुदल प्राप्त भएपछि नेपाली जनताले समृद्ध नेपाल निर्माण हुने आशामा नेपाली काँगे्रसलाई वहुमतको सरकार बनाउने वातावरण वनाई दियो । प्रतिपक्षको भुमिकाको लागि कम्युष्टिलाई जिम्मेवारी दियो । तर बहुमतको सरकार गठन गर्ने अवसर पाएको उन्मादमा नेपाली कांगे्रस पार्टी आन्तरिक कचिङ्गलोको कारण नेपाली जनताले दिएको जिम्मेवारी विर्सदै मध्यावति निर्वाचनमा होमियो । मुलुकमा बहुदल प्राप्त पछिलो पहिलो सरकारको व्यवहार देखि दिक्क भएका नेपाली जनताले लामो समयसम्म मिलिजुलिको सरकारको लागि वातावरण बनाउदै आए । मुलुकमा नजसंविधान निर्माण साथै राजनन्त्रको अन्त्य गणतन्त्रको उदय भएपछि नेपाली जनताले पुन एकपटक कम्युनिष्टलाई बहुमतको सरकार वनाएर देसलाई समृद्द बनाउनको लागि जिम्मेवारी दिए ।

नेपाली जनताको चाहना अनुसार कम्युनिष्टले बहुमत सरकार गठन गर्यो । तर सत्ता उन्मादकै कारण पार्टी भित्रको आन्तरिक किचलोकै कारण केपी ओली नेतृत्वको सरकारले संसद विघटन गर्दै मध्यावधि निर्वाचनको घोषणा गरेको छ । त्यति मात्रै नभई विगतमा एकताको सुत्रमा बाँधिएर एक ढिक्का भएका नेकपाको फुट समेत हुन पुग्यो । नेपाली जनताले कम्युनिष्टहरु मिलेर मुलुकमा समृद्ध हासिल गर्ने अपेक्षाका साथ सघाएका थिए तर जनमतको कदरलाई लत्याउंदै कम्युनिष्ट सरकार अगाडी बढेको छ । कम्युनिष्ट पार्टीले बहुमतको सरकार सञ्चालन गर्दै गर्दाको अवस्थामा कांग्रेस सकियो बढारीयो ,अब देशमा ५० बर्ष नेकपाले शासन गर्छ भनेर नेपाली जनतालाई आस्वासन दिएका थिए तर सो भनाई दुई बर्ष नपुग्दै आन्तरिक कचिङ्गलोको सुरुवात भयो ।

ठुला ठुला भाषण दिदै जनतालाई आस्वासन दिदै अगाडी बढेका नेकपाका नेताहरु,आज कांग्रेस संसदिय दलको कार्यालयमा,कांग्रेस पार्टी कार्यालय मा,कांग्रेस को नेत्रित्वमा बैठक धाउने अवस्था आयो । नेपाली कांगे्रसले आफ्नो हार सहज ढंगबाट स्वाकार्दै आएको अवस्थामा नेकपाको फुट साथै संसद बिघटन लाई पर्ख र हेरको नीति अपनाउंदै आएको छ । कम्युनिष्को व्यवहारलाई नियाल्दै कांगे्रसले मौकामा चौका हान्ने दाउ गर्दै जनतासमक्ष आफ्नो अनुकुलको अभिव्यत्ति दिै अगाडी बढेको छ । उनिहरुले जतीबेला देशलाई संकट परेको छ त्यतीबेला कांग्रेसले नेत्रित्व लिएर निकास दिएको छ,अनि हिजोका दिनमा सबैतिर बाट धोका र हन्डर खाएका हरुलाई कांग्रेसलेनै अबिभावकत्व दिएको छ, भन्न समेत पछि परेका छैनन् । उनीहरुले जनता सामु देश कम्युनिस्ट या मन्डलेहरुले हाक्न सक्दैनन, देशलाई हरेक संकटबाट पार लगाउन सक्ने पार्टी कांग्रेस नै हो भन्दै घुमाउरो तरिकाले मत माग्न समेत पछि परेका छैनन् ।