हरदेवामा सरसफाई र्याली

धनी राम कोरी
कपिलवस्तु । “आफ्नो घर आफै सफा गर्नु होस अनि स्वास्थ्य बन्नु होस्” को साथसाथै “औषधी संग सम्बन्ध तोड्नु होस् स्वच्छतासंग नाता जोड्नु होस्” भन्ने मुल नाराका साथ सरसफाइ कार्यक्रम हरदेवामा सम्पन्न भएको छ । आउनु होस एक कदम अगाडि आफ्नो प्यारो गाउँ घर सफा बनाऔं भन्दै कपिलवस्तु जिल्लाको यशोधरा गाउँपालिका वडा नं. ३ हरदेवामा सरसफाई र्याली सम्पन्न भएको छ ।
हरियाली र प्रगति आत्मनिर्भर समुहको संयुक्त आयोजनामा दलित सामाजिक विकास केन्द्र र युनाइटेड मिसन टु नेपालको अर्थिक सहयोग यशोधरा गाउँपालिका वडा नं. ३ हरदेवामा सरसफाई र्याली सम्पन्न भएको सामाजिक परिचालक प्रिति गुप्ताले जानकारी दिनुभएको छ ।
सरसफाई र्यालीमा हरियाली र प्रगति आत्मनिर्भर समुहसँग आबद्ध रहेका स्थानीय महिलाहरुको बाक्लो उपस्थिति रहेको थियो ।