प्रेस संगठन काभ्रेको जिम्मेवारीमा चौलागाईं

हेटौंडा । “पूर्ण प्रेस स्वतन्त्रता रक्षाको निम्ति प्रेस संगठनको आह्वान, प्रतिगमनविरुद्ध सञ्चारकर्मीको सामूहिक अभियान” भन्ने मूल नाराका साथ प्रेस संगठन नेपाल वागमती प्रदेश, दोस्रो भेलाबाट प्रेस संगठन नेपाल काभ्रे जिल्लाको संयोजकमा सन्तोष चौलागाईं र सहसंयोजकमा क्रान्ति दोङ चयन हुनुभएको छ ।
पत्रकारिता क्षेत्रमा जीवन देख्ने यि युवाहरुलाई छनौट गरेकोमा सम्पूर्ण पत्रकार जगतले सफलताको कामनासहित खुशी व्यक्त गरेका छन् । खड्किएको आवश्यकतालाई पूरा गर्ने वचनबद्धता चयनपश्चात् यि युवाहरुले जाहेर गरेका छन् । यस किसिमको निर्णय पत्रकारिता क्षेत्रका लागि अनुकरणीय रहेको विश्लेषकहरुको दाबी छ ।
सोमबार वागमती प्रदेशको राजधानी हेटौंडामा सम्पन्न दोस्रो प्रदेश स्तरीय भेलाले उक्त जिम्मेवारी उहाँहरुलाई सुम्पिएको छ । वागमती प्रदेशभित्रका १० वटै जिल्ला नेतृत्व चयन भएको छ । यसबाट प्रेस संगठन नेपालले आफ्नो गतिविधिलाई सहज रुपमा उतार्ने विश्वास उक्त भेलामा सहभागीहरुको रहेको छ । जसले आसन्न नेपाल पत्रकार महासंघको निर्वाचनलाई प्रमुख मुद्दाको रुपमा लिएको भेलाका सहभागीहरुको छ । नेकपाका युवा नेता योगेश भट्टराईद्वारा दीप प्रज्वलित गरी शुभारम्भ भएको भेलाको अध्यक्षता प्रदेश संयोजक सुनिल खड्काले गर्नुभएको थियो भने कार्यक्रमको सञ्चालन प्रदेश सचिव ध्रव रायमाझीले गर्नुभएको थियो ।
भेलामा १० जिल्लाबाट करिब २ सय सञ्चारकर्मीहरुले आफ्नो उपस्थिति जनाएको आयोजकले बताएको थियो । भेलामा जिल्लादेखि केन्द्रीय स्तरका नेतृत्वहरुको सहभागिता रहेको थियो ।