काभ्रेली स्रष्टा दुवाल देवकोटा पुरस्कारबाट सम्मानित हुने

काभ्रे । भाषा साहित्यको सेवा गरेबापत साहित्यकार मोहन दुवाललाई संस्कृति, पर्यटन तथा नागरिक उड्डयन मन्त्रालयले २०७७ सालको महाकवि देवकोटा राष्ट्रिय पुरस्कारका लागि छनौट गरिएको छ ।
जनमत मासिकका प्रधानसम्पादक मोहन दुवालले भाषा साहित्यका क्षेत्रमा वाङ्मयसेवीहरुको सम्मान, पुस्तक प्रकाशन, देश÷विदेशका साहित्यकारहरु र साहित्यिक संस्थाहरुको स्वागतमा कार्यक्रम संचालन गर्नुका साथै निरन्तर ‘जनमत’ मासिकको प्रचार–प्रसार गरेर आफूलाई भाषासाहित्यसेवीका रुपमा उभ्याएका छन् । निजीस्तरबाट प्रकाशित साहित्यिक पत्रिकामा ‘जनमत’ ले २८२ पूर्णाङ्क प्रकाशित गरेर आफूलाई साहित्यिक पत्रिकाको रिकर्डमा प्रथम तुल्याउन सफल छन् ।