तीन मुक्तकहरु ः

१. हँसिया, कुटो, कोदाली नचिन्ने थुप्रै छन्
हलो, जुवा, अनि फाली नचिन्ने थुप्रै छन्
सोच्दैछु देश कसरी कृषिप्रधान भयो ?
अन्न, फलफूल र बाली नचिन्ने थुप्रै छन् ।

२. सयौं युवाका सपनाहरु तुहिएको देख्दैन् सरकार
र, कर्णालीमा जडीबुटी कुहिएको देख्दैन सरकार
तर पनि देशलाई यस्तो उस्तो बनाउँछु भन्छ उ
कठै ! झुपडीको छानो चुहिएको देख्दैन सरकार ।

३. दिन प्रतिदिन देशको दुर्गति भइरहेको छ
हिजो भन्दा आज झन अति भइरहेको छ
नेतामा पागलपनको आँधी हुरी आएपछि
युवाशक्ति परिचालनमा क्षति भइरहेको छ ।

रेहित सैजु “विकल्प”
रामेछाप, दोरम्बा