सहकारीहरु पारदर्शी ढंगबाट चल्नुपर्छ ः अभियान्ता तिमल्सिना

बनेपा । परिकल्पना बचत तथा ऋण सहकारी संस्था लि.को ११औं वार्षिक साधारणसभा तथा नवनिर्वाचित कार्यसमितिलाई शुभकामना व्यक्त गर्ने क्रममा कार्यक्रमका प्रमुख अतिथि एवं बागमती प्रदेश सहकारी संघ कार्यसमिति सदस्य कृष्णप्रसाद तिमल्सिनाले पछिल्लो समय केही सहकारीहरुमा देखिएको विकृतिका कारण विधि र नीति संगत ढंगबाट चल्ने सहकारीहरुलाई असहज परिस्थिति सिर्जना भएको यथार्थ स्वीकार्दै सहकारीहरु पारदर्शी ढंगबाट सञ्चालनका लागि आफ्नो तर्फबाट संस्थागत रुपमा कुनै किसिमको कसुर बाँकी नराख्ने बताउनुभएको छ ।
सहकारीहरु मौलाउनुको पछाडि उनीहरुमा देखिएको विधि र नीति सम्बन्धी कार्यक्रमलाई व्यवहारतः कार्यान्वयन गर्नु नै हो । आज निर्वाचित यस कार्यसमितिले पनि विधिसम्वत् ढंगबाट आफूलाई उभ्याउने छ भन्ने विश्वास राख्दै सफल कार्यकालको शुभकामना व्यक्त गर्नुभएको थियो ।
उक्त साधारण सभाको बन्दसत्रले राधाकृष्ण श्रेष्ठको अध्यक्षतामा नौ सदस्यीय सञ्चालक समिति निर्वाचित गरेको छ । उपाध्यक्ष बोधनाथ बजगाईं, सचिवमा पूर्णचन्द्र सिग्देल, कोषाध्यक्षमा शम्भुप्रसाद पौडेल, सदस्यहरुमा प्रल्हाद शर्मा हुमागाईं, कृष्णप्रसाद हुमेगाईं, शर्मिला गौतम तिमल्सिना, राजेन्द्रप्रसाद दाहाल र रामकुमार आचार्य निर्वाचित हुनुभएको छ भने लेखा समितिको संयोजकमा इन्द्रमणि न्यौपाने, भिमप्रसाद पौडेल र सन्दिपा शर्मा निर्वाचित हुनुभएको छ ।
साधारणसभाको अध्यक्षता संस्थाका अध्यक्ष राधाकृष्ण श्रेष्ठले गर्नुभएको थियो भने सञ्चालन सचिव पूर्णचन्द्र सिग्देलले गर्नुभएको थियो । सभामा आ.व. ०७७÷०७८ को वार्षिक प्रतिवेदन प्रस्तुत गरिएको थियो ।