अन्तर्राष्ट्रिय साहित्य सम्मेलनको तयारी हुँदै दार्चुलामा

तारा- किसन फाउन्डेसन ईन्क र हिमाल डेन्टल हस्पिटल एण्ड ईस्टिच्युट अफ माइन्सको संयुक्त आयोजनामा यहीँ फागुन २०,२१ र २२ गते २०७८ मा धार्मिक स्थल अखण्ड धाम ,शैल्य शिखर मालिकार्जुन भूमी ,कैलाश पर्वतको पाऊ ,कालापानी ,लिपुलेकको सदरमुकाम दार्चुलामा बृहत अन्तर्राष्ट्रिय साहित्य सम्मेलन तथा पर्यटन प्रबर्द्धन कार्यक्रमको तयारी भइरहेको जानकारी किशनसिंह धामीले दिएको छ ।

धामीले यस अघि सुदूरपश्चिमाञ्चल साहित्य महोत्सवको आयोजना गरिसक्नु भएको छ । बृहत अन्तर्राष्ट्रिय साहित्य सम्मेलन तथा पर्यटन प्रबर्द्धन कार्यक्रममा देशभित्रका र देश बाहिरका हजारौंको उपस्थिति रहने र उक्त अन्तर्राष्ट्रिय साहित्य सम्मेलनले नेपाली साहित्यको र दार्चुलाको विकास र संरक्षणमा टेवा पुग्ने युवामा जोस जागरुक भित्र लुकेका प्रतिभाको खोजी हुने युवा साहित्यकार केशवराज भट्ट सागरले बताउनु भएको छ । साथै आ- आफ्नो अमुल्य समय ,साथ सहयोगको अपिल पनि गर्नु भएको छ ।