कृषी सचिव शर्मा मन्त्रालय नआउदा कामकाज ठप्प

काठमाडौ । कृषि तथा पशुपन्छी विकास मन्त्रालयमा कृषि तर्फका सचिव डा. गोविन्द प्रसाद शर्मा नियमित नआउदा मन्त्रालयको गतिविधि सञ्चालन तथा दैनिक कामकाज ठप्प भएको छ । मन्त्रालयको कामको सिलसिलामा दाङ र झापा लगायत अन्य विभिन्न जिल्लाबाट काठमाडौ आएका सेवाग्राही भन्छन्, हामि आएको एक हप्ता भयो, तर मन्त्रालयका सचिव शर्मालाई भेट्नै पाएका छैनौं । यसरि सचिव विहीन मन्त्रालय भएपछि हामि आर्थिक, मानसिक तथा शारीरिक मारमा परेको उनिहरु बताउँछन् । हाम्रो काम कहिले हुने हो ? भन्दै उनिहरुले चिन्ता व्यक्त गरे । मन्त्रालयका एक सह- सचिवका अनुसार, कृषि तर्फका सचिव डा. गोविन्द प्रसाद शर्मा मन्त्रालयमा नियमित नआउदा जनताको काम प्रभावित हुनुका साथै मन्त्रालयसँग समन्वय र मन्त्रालयबाट हुने विकासका काम पनि ठप्प रहेको उनले जानकारी गराएका छन् । उनले भने, सचिव शर्माको टेबुलमा महत्वपूर्ण फाइलहरु समेत थन्किएको छ । त्यति मात्र नभएर मन्त्रालयको आर्थिक र प्रशासनिक कामहरु समेत अगाडि बढ्न नसकेको उनले बताए । “मन्त्रालयमा सचिव छैनन्, सचिव नहुँदा धेरै महत्वपूर्ण कामहरु रोकिएको मन्त्रालयका एक अधिकृतले जनाएका छन् । उनले भने, मन्त्रालयमा प्रायः सचिव नहुँदा सरकारको कामकाज प्रभावित बनेको छ । सचिवविहीन मन्त्रालयमा अन्य मन्त्रालय, बिभाग र विभिन्न कार्यालयबाट मन्त्रालयसँग समन्वय र मन्त्रालयबाट हुने विकासका काम समेत रोकिएको उनले जनाएका छन् । संघीय सरकारका कृषि मन्त्रालय सचिवविहीन भएको गुनासो समेत सेवाग्राहीहरुले गर्न थालेको उनले बताए । सचिव नहुँदा तल्लो तहका कर्मचारीसमेत मन्त्रालयमा हाजिर गरी घर फर्किने गरेका छन् । मन्त्रालयमा कर्मचारी नबस्दा मन्त्रालय अहिले सुनसान देखिन्छन् ।