पनौतीमा रक्तदान

काभ्रे । नेपाल रेडक्रस सोसाइटी पनौती उपशाखाको आयोजनामा शनिबार रक्तदान कार्यक्रम सम्पन्न भएको छ ।
पछिल्लो समय रगतको अभाव बढ्दै गएको अवस्थामा पनौती उपशाखाले रक्तदान कार्यक्रमको आयोजना गरेर मानवीय क्षेत्रमा अनुकरणीय गुण लगाएको उपशाखा सभापति राजु ताम्राकारले बताउनुभएको छ । उहाँका अनुसार रगतको अभावलाई पूर्ति गर्नका लागि अब ३÷३ महिनामा यस किसिमका मानवीय कार्यलाई निरन्तरता दिने बताउनुभएको छ ।
शनिबार भएको उक्त रक्तदान कार्यक्रममा २८ जना रक्तदाताहरुले रक्तदान गरेको नेपाल रेडक्रस सोसाइटी काभ्रे जिल्ला शाखाका प्राविधिक प्रमुख राधा थापा जानकारी गराउनुभएको छ । उक्त रक्तदान कार्यक्रमको व्यवस्थापन लगायत सम्पूर्ण जिम्मेवारीलाई पूर्णता दिँदै धार्मिक पत्रकार विकु नारायण ताम्राकारले यस्ता कार्यहरुमा आफ्नो जुनसुकै सहयोग रहने बताउनुभएको छ ।