हावा हुरीको समयमा आगलागी हुनबाट जोगाऔं

मौसम परिवर्तन भएसँगै गर्मी महिना साथै हावा हुरी कोे सुरुवात भएको छ । यो समयमा आगो लाग्ने खतरा वढी हुन्छ । चैत्र बैशाख महिना सुख्खा महिना हो, यो समयमा बोट बिरुवाको पातहरू झरेर नयाँ पाउला सुरुवात भएको हुन्छ । बोट बिरुवाको पात पतिङ्गर साथै अन्य घाँसहरू समेत सुकेको हुन्छ । जसको कारण आगोको भए रहन्छ । ठूला ठूला सांसदहरुमा हावा हुरीको कारण जङ्गलमा भएका बासहरू एक आपसमा रगडिएर आगो निस्कने र सोही कारणले गर्दा आगलागीको खतरा हुन्छ । ठूला जङ्गलमा आगलागी हुँदै गर्दा आएको हावा हुरीले गर्दा थप जोखिम बढ्न सक्ने खतरा रहन्छ । जङ्गलमा लागेको आगो बस्तीमा समेत पुग्न सक्ने खतरा हुने हुँदा सतर्कता अपनाउन उत्तिकै जरुरी रहन्छ ।
सुख्खा याममा पानीको पनि उत्तिकै अभाव हुन्छ जसका कारण आगलागी भै हालेमा नियन्त्रणको लागि आवश्यक अनुसार पानी नपाउँदा थप समस्या हुन्छ । आगो लाग्ने प्रमुख कारण लापर्बाही हो । आगो बालेर खाना वा अन्य परिकार पकाइन्छ भने सो काम फत्ते भए लगतै आगो ननिभाउने भुल्न हुदै न । त्यसैगरी मठ मन्दिरहरूमा पुजा गर्ने क्रममा गरिने धुप बत्ती बालेर त्यतिकै छोड्दा समस्या निम्तिन सक्छ । अन्जान बालबालिकालाई खेल्ने सामाग्री दिँदै गर्दा आगो जन्य सलाई लाइटर जस्ता सामाग्री खेल्न दिनु उत्तिकै खतरा रहन्छ । सडकमा यात्रा गर्ने यात्रीहरूले यात्राकै क्रममा धूम्रपान गर्ने र ठुटो सडकमा फाल्ने कार्यले थप समस्या निम्त्याउन सक्छ । हावाको कारण उक्त चुरोटको ठुटो उडाएर सुख्खा घुस्यान भएको ठाउँमा पुग्दा आगलागीको खतरा हुन्छ ।
हावा हुरीको समयमा भएको आगलागीले भयावह रूप लिन सक्छ जसको कारणले गर्दा जनधनको क्षति हुन सक्दछ । त्यसैले बन जङ्गलको छेउछाउमा आगो जन्य कामहरू गर्न हुँदैन । बनमा पिकनिक गर्ने क्रममा सतर्कता अपनाउन सकिएन भने समस्या निम्तनु सक्छ । आगलागी जस्तो भयानक दुर्घटनालाई रोक्नको लागि स्थानीय तहले जनचेतनामूलक कार्यक्रम गर्न जरुरी रहन्छ । त्यसैगरी दुर्घटना भई हालेमा जनधनको क्षति हुन नदिनको लागि जोगिने तरिकाको डेमोस्टेसन प्रदर्शनी साथै दमकल भएका स्थानहरूमा तयारी अवस्थामा राख्न उत्तिकै जरुरी रहन्छ ।