८१ लिटर रगत दान गरेर, ४ सय ८६ जनालाई जिवन दान दिए मैनालीले

आ.आर.के मैनाली
काठमाडौ ,रगतको अभावका कारण कसैले पनि ज्यान गुमाउनु नपरोस भन्ने प्रमुख उद्देस्यका साथ अगाडि बढ्नु भएको अर्जुन मैनालीले आगामी १ बर्ष भित्र काठमाडौ उपत्यकामा ३० हजार रक्तदाता बृद्धि गराउने योजनाका साथमा अगाडी बढ्नु भएको छ ।

सोही अनुसार नेपालमा रक्तदान अभियानलाई प्रत्येक परिवारसम्म पुर्याउने उद्देस्यका साथमा गैर आवसिय नेपाली सघ (ल्च्ल्ब् ) ले रक्त सञ्चार सेवा संग समन्वय गरेर अगाडि बढ्ने भएको छ ।
रक्तदाता उत्पेरणा कार्यक्रम बिध्यालय ,कलेज, बिभिन्न संघ संस्थाहरुमा संचालनगरि रगतको अभाव न्यूनीकरण गर्न रक्त सञ्चार सेवा,एनआरएनए ,आइएनबिडि, ब्लड डोनर्स एसोसिएसन नेपालले काठमाडौमा रक्तदाता अभिमुखी कार्यक्रम गर्ने भएको हो ।

रगतको अभावको कारण कसैले अकालमा मृत्युहुनु नपरोस भन्दै अगाडि बढ्नु भएका अन्तराष्ट्रिय नेप्लिज ब्लड डोनर्सका संरक्षक तथा गैर आवसिय नेपाली सघका अभियान्ता अर्जुन प्रसाद मैनालीले रक्तदाता अभियानलाई अगाडि बढाउनका लागि काठमाडौ उपत्यकाका ५० वटा सस्थाका प्रतिनिधि हरुको वर्कसप मे २४ गते हुने भएको छ । त्यसैगरी जुन १ मा ५० वटै सस्थाको सहभागीतामा वर्कसप गरी अगाडि बढ्न लागेको मैनालीले जानकारी गराउनु भएको छ ।

नेपाल रेडक्रस सोसाइटी रक्त सञ्चार सेवा केन्द्रको सहजीकरणमा ५० पटक भन्दा बढी रक्तदान गर्ने रक्तदाताहरु तथा रगत पाएका बिरामी बिचको एक दिवसिय वर्कसप समेत गरीने भएको छ । नेपालमा हाल भएको रगतको अभाव कम गर्ने रणनीतिका साथ यी सस्थाहरु अगाडि बडे बिरामीहरुले राहत पाउने सुनिस्चित रहेको छ ।

मैनालीले विश्वव्यापिरुपमा गर्न र गराउन निरन्तर रुपमा प्रयास गरी रहनु भएको छ । स्वयंसेवी रक्तदाताहरुको अभिबृद्धि गराउन आवस्यक महसुस गर्दै २०४४ सालबाट निरन्तर अगाडि बढ्दै आउनु भएका मैनालीले हाल सम्म १ सय ६२ पटक रगत दान गरी सक्नु भएको छ । उहाँले दान गर्नु भएको रगतबाट ४ सय ८६ जनाको लागि जिवन दान दिनु भएको छ । ३० बर्ष सम्म निरुनतर रपमा रक्त दान गर्दै जाने क्रममा  ८१  लिटर रगत दान गरेर, ४ सय ८६ जनालाई जिवन दान दिए मैनालीले लिटर रक्त दान गर्न सफल भैसक्नु भएका मैनालीले निरन्तर रुपमा दान गर्ने क्रम जारी रहेको छ ।

आफ्नो कलिलो उमेर १९ बर्षमा अपरिचित एक बिरामी बचाउनको लागि पहिलो पटक रगत दान गर्नु भएका मैनालीले नेपाल मात्र नभई बिश्वका बिभिन्न स्थानमा पुगी रगतको अभावलाई पुर्ती गर्नको लागि ठुलो भूमिका निर्वाह गर्दै आउनु भएको छ । सन १९८७ अगष्ट २० देखी सन २००० सेक्टेम्बर २ सम्म नेपालमा ४८ पटक रगत दान गर्नु भएका मैनालीले १९९५ जनवरी २५ मा छिमेकी मुलुक भारतमा १ पटक रगत दान गर्नु भएको थियो । त्यसैगरी २००१ फ्रेवुअरी २ देखि सन २०१६ जनवरी ९ सम्म ९९ पटक अमेरीकामा रगत दान गर्नु भएको थियो । त्यसैगरी क्यानाडामा २ पटक, इंगलाईण्ड, बर्मुडा, मकाउ, आयरल्याण्ड,अष्ट्रेलीया,मलावि, इक्वडोर, हाईटी लगायतको स्थानमा भएको गरतको अभावलाई पुर्ती गर्ने उद्देस्यले रक्त दान गर्नुभएको थियो । आफुले रगत दान गर्ने क्रममा विश्वको बिभिन्न स्थानमा रहेका नेपालीहरुलाई समेत रगत दानको लागि हौसला प्रदान गर्दै धेरै नेपालीहरुलाई रगत दानको अभियानमा लगाउन मैनाली सफल हुनु भएको थियो ।