भक्तपुर-गृहमन्त्री रामवहादुर थापाले मुलुकमा गुण्डा गर्दीको कारण सर्वसाधारण जनताले सास्ति खेप्नुपरेकोले जनताको हितको लागि गुण्डाराजको अन्त्य गर्ने बताउनु भयो ।
भक्तपुरमा सोमबार आयोजना गरिएको सहिद तथा बेपत्ता परिवार सम्मान एवम् अभिनन्दन कार्यक्रममा गृहमन्त्री थापाले थप्नुभयो जनताको राज स्थापना गर्ने कार्य सरकारको भएकोले पहिलो प्राथमिकताको साथमा कार्य गर्ने बताउनु भएको थियो ।
मुलुकमा गुण्डाराज, अपराध, तस्करी, महिला हिंसा, भष्ट्राचार अन्त्य गर्न सरकार सक्रिय रहेको बताउंदै अव धेरै दिन कुनु नपर्ने बताउनु भयो । देशमा रहेको सबै प्रकारको सिण्डिकेटको अन्त्य गर्दै सरकार विकास र समृद्धिको बाटोमा अगाडि बढिरहेको बताउनु भयो । मुलुक भ्रष्टाचार र तस्करीको कारण बिभिन्न प्रकारको विकास अवरुद्ध भएको बताउँदै सरकारले भ्रष्टाचार र तस्करीको अन्त्य संगै बिकास निर्माणको कार्यलाई अगाडि बढाउने बताउनु भयो ।
कार्यक्रममा गृहमन्त्री थापाले जनयुद्धका सहिद तथा बेपत्ताका परिवारलाई उचित सम्मान र सहयोग गर्न सरकार तयार रहेको बताउनु भयो । समाजवाद उन्मुख संघीय सरकार निर्माणमा सहिद र बेपत्ता योद्धाहरुको बलिदानबाट नै हालको उपलब्धि हासिल भएको बताउनु भयो । बेपत्ता नागरिक र सहिदले देखेको बाटोलाई पहिल्याउंदै उनीहरुको सपना साकार पार्ने कार्यमा सरकार लागि रहेको बताउनु भयो । भक्तपुरमा प्राकृतिक स्रोतको दुरुपयोग गरी भूमि दोहन मौलाएको भन्दै अवैध बालुवा उत्खननलाई रोक्न प्रहरी प्रशासनलाई निर्देशन दिनु भएको थियो ।
प्रभातफेरी साप्ताहिकद्वारा प्रकाशित
प्रभातफेरी डट कम
बनेपा नपा-५,राजदास मार्ग
९७५१०२८४५०,९८४१४२८४५०
उद्योग दर्ता नम्बर ९६७९/०७६/०७७
जी.प्र.का. काभ्रे दर्ता नम्बर: २१/६१/६२
सूचना विभाग दर्ता नम्बर: ८२०/०७४-७५
संचालक : | प्रल्हाद शर्मा हुमागाईं सम्पर्क: ९८५११२८४५० |
प्रबन्धक : | ईश्वरी राजकुमार मैनाली सम्पर्क: ९८५११६८४५६ |
सम्पादक : | राज्यलक्ष्मी श्रेष्ठ सम्पर्क: ९८४१४२९९६५ |
समाचारदाता : | बिपशना शाक्य सम्पर्क: ९८४३७२९१७५ |