सेवाग्राहिहरुलाई सास्ती नदेऊ,आर्थीक चलखेलमा कानुन बिपरित हुने कार्य बन्द गर

पछिल्लो समयमा सेवाग्रहीहरुले सेवा लिने क्रममा सास्ती खेप्नु पर्ने अवस्था बढ्दो छ । सिंहदरवारको अधिकार स्थानिय तहमा आउंदा जनताले खुसियाली मनाउंदै दिपावली गरेका थिए । अधिकार स्थानिय तहमा आउने भयो, जसका कारण विकास निर्माणको कार्य देखि सवै प्रकारको सेवा सुविधा सहजडंगबाट पाउने आशामा रहेका जनताहरु स्थानिय तहबाट भैगरेका कार्यप्रति असन्तुष्टि हुदै दिक्क मान्ने अवस्थामा पुगेका छन् । जनताहरुले सिंहदरवारको अधिकार कस्का लागि आएको भन्ने बिषयमा अवका दिनमा राम्रोसंग बुझ्ने अवसर पाएका छन् । जनताले सेवालिन जाँदा झन्झटिलो तरीका साथै करको भारी बोकाउने कार्यले दिक्क भएका छन् । जनताले तिरेको करवाट मोज मस्ति गर्दै सेतो नम्बर ल्पेटको सवारी साधनले आफ्ना आसेपासे साथै नातागोतालाई ओसार पसार गर्ने कार्य गर्दा जनता धार्मे हात लगाउंदै सिंहदरवारको अधिकार नियाली रहेका छन् ।

स्थानिय तहले गरेको कार्यको बिषयमा सार्वजनिक कार्यक्रममा जनताले लेखा शाखा र प्राबिधिक शाखाले गरेको भ्रस्टाचारको बिषयमा खुलेर आवाज उठाउंदा प्रमाण पुगे कारवाही प्रकृया अगाडी बढाउंछौं भन्ने जनप्रतिनिको भनाई बाट झनै आशामारेका छन् । टाठा बाठाले कानुन विपरितको कार्य सहजढंगबाट गराउने र टोपिको घेरा फाटेका निम्न आयस्रोत रहेका सामान्य जनतालाई मर्काउने गरेको कार्यको प्रमाण कस्ले जुटाउने ? स्थानिय तहमा के कस्तो ढंगको सेवा लिईरहेका छन् जनताले भन्ने बिषयमा जनप्रतिनिधि चनाखो हुनु पर्नेमा कर्मचारीको गल्तीलाई ढाकछोप गर्ने कार्यले जनताहरु आक्रोसित हुनथालेका छन् । सहज सुबिधा साथै चौतर्फि ढंगको विकास निर्माण हुने आशामा वालवच्चाको गाँस काटेर कर तिर्छन तर सोही करबाट चिल्ला गाडीमा सवार गर्दै मोज मस्ति गर्ने जनप्रतिनिधिको बिषयमा जनताहरुले गहिरिएर अध्ययन गर्दैछन् ।

कमजोर गर्ने पक्षलाई कारवाही गर्नुपर्ने निकायले समेत आर्थीक चलखेलकै आधारमा गैह्रकानुनि कार्य गरीरहेका स—प्रमाण उदाहरणहरु छरपस्टै हुंदा समेत कसैको ध्यान पुग्न सकेको अवस्था छैन । सामान्य नागरिक जो गरिविको रेखानुनि रहेको छ, उसले जिल्लामा गएर सेवालिने क्रममा सामान्य कागजात नपुगेको अवस्थामा व्यवहारिक पक्षको कुनै वास्ता नगरी फर्काईन्छ । तर कानुन विपरितको कानुनले बन्देज लगाएको गैह्रकानुनि कार्य आर्थीक चलखेलको आधारमा हुने गर्दा सर्व साधारण जनता मारमा परेका छन् । आर्थीक उपार्जको कार्यको लागि किर्ते कार्य गर्न लगाएर कानुन बिपरित तरिकाको कार्य हुंदा निमुखाहरु समस्यामा पर्ने गरेका छन् । “छन गेडी सवै मेरी, छैनन् गेडी सवै टेडी” भन्ने उखानसंग मेलखाने ढंगको कार्यले गर्दा जनता दिक्क हुने गरेका छन् । कानुन तथा निएमले रोकेको बिषयलाई समेत आर्थीक उपार्जनको लागि मिलिमतोमा कार्यहरु हुनु र त्यस्ता कार्यमा कारवाहि गर्नुपर्ने केन्द्रिय तहको निकायको ध्यान नपुग्नाले जनताहरु थप निरास हुनेगरेका छन् ।