२०८३ बैशाख ५, शनिबार
प्रभातफेरी अनलाइन ७७९० पटक पढिएको प्रकाशित मिति: २०७६ जेष्ठ १, बुधबार (६ साल अघि)
आइ.आर.के. मैनाली
बनेपा÷हरेक दृष्टिकोणले गर्दा प्रदेश नं ३ को राजधानी काभे्र उपयुक्त हुंदा हुदै प्रदेशका मुख्य मन्त्री डोरमणी पौडेलले राजधानी हेटौडामै हुनुपर्ने बिषयमा जोडबल गर्दै गर्दा काभे्र बाट निर्वाचित प्रदेश सांसद लक्ष्मण अम्सालले आपत्ति जनाउनु भएको छ ।
बिगतमा निर्वाचनको समयमा काभे्र जिल्लालाई राजधानि बनाउने बिषयमा नेपाल कम्युनिष्ट पार्टी र नेपाली काँगे्रसले प्रमुख नारा बनाएपनि हाल आएर राजधानी हेटौंडामै राख्ने बिषयमा मुख्य मन्त्रि डोरमणि पौडेलले अगुवाई गर्दा तै चुप मै चुपको अवस्था सृजना भएको छ । राजधानी काभे्रमा ल्याउने बिषयमा खासै कसैले चासो नदिईरहेको अवस्थामा काभे्रबाट निर्वाचित प्रदेश सांसद लक्ष्मण लम्साल भने खरो रुपमा उत्रिदै विगतमा जनतासामु बोलेको वाचाको पक्षमा दरोसंग उभिएको देखिन्छ ।
प्रदेशका मुख्य मन्त्री डोरमणी पौडेलले राजधानी हेटौंडाबाट अन्यत्र नसार्ने बताउँदै आएका अवस्थामा प्रदेश ३ का बहुमत सांसदहरु राजधानी हेटौंडामा रहदा उपयुक्त नहुने बताउंदै आएको अवस्थामा मुख्य मन्त्रि पौडेलले भने शक्ति प्रयोग गर्ने तरखरमा रहेका छन् । पौडेलको योजनाको बिष्नायलाई लिएर सांसद लक्ष्मण लम्सालले नेतृत्वलाई प्रभावित पारेर राजधानीजस्तो गंभिर विषय ढाँटेर, छलेर, हेटौंडा राख्न खोजिएको बताउनु भएको छ । अहिले मुख्यमन्त्रीको मुख्य चासोको विषय जनताका मुद्दा हुनुपर्नेमा राजधानी हेटौंडा राख्नु र आफु मुख्यमन्त्री बनेकै राजधानी हेटौंडामा राख्न लागि बनेको सांसद लम्सालले बताउनु भएको छ ।
सांसद लम्सालले थप्नुभयो राजधानी उहाँको चासोको विषय हुनुहुँदैन । प्रदेश ३ को ५२ लाख जनताको लागि राजधानी हेटौंडा पाइक पर्दैन दुई जिल्लालाई सुविधा दिने नाउँमा ११ जिल्लाको जनतालाई दुख दिनेगरी कुनामा राजधानी राख्नु भनेको पश्चगामी कुरा हो । यस्तो ढंगको योजनाले मुख्यमन्त्रीले समग्र ३ नं. प्रदेशको नतृत्व गर्न सक्नुहुन्न । मैले निर्वाचन हुने समयबाट हाल सम्म निरन्तर रुपमा भन्दै आएको छु कि राजधानी हेटौडा उपयुक्त छैन । तर यो वा त्यो बाहानामा नेतृत्लाई समेत मुछेर राजधानीको विषय टुंगिने कुरा होइन । नेपालको संविधान २०७२ ले प्रदेशका दुई तिहाइ सांसदे आफ्नो राजधानी तोक्ने भन्ने व्यवस्था गरेको छ, सोही अनुसार अगाडी बढ्नु पर्ने लम्सालले बताउनु भयो ।
राजधानि तोक्ने बिषयमा छलफलमा ल्याउने दायित्व प्रदेश तीनको नेतृत्व गरिरहेका सरकार र मुख्यमन्त्रीको हो । यो वा त्यो वाहानामा नेतृत्वलाई प्रवावित पारेर, प्रपोक गरेर ५२ लाख जनताको हित हुँदैन र प्रदेश ३ सरकार सफल पनि हुँदैन । प्रदेश राजधानी हेटौंडामै राख्नुस् न दुई तिहाइ पुर्याएर । हामीलाई केहि आपत्ति छैन् । तर संसदमा प्रक्रियामै नलैजाने । भाग्न र छल्न खोज्ने कुराबाट कोहि सन्तुष्ट हुनसक्दैन सांसद लम्सालले भन्नुभयो ।
यहाँ देशभरीका मानिसहरुको केन्द्रीकरण भएको छ । यहाँ धेरै मानिसको ध्यानाकर्ष भएको छ । राजधानी प्रदेश भएकाले यो प्रदेशले अन्य प्रदेशलाई पनि सन्देश दिनुपर्छ । त्यसो भएका कारण प्रदेश तीनको राजधानी हेटौंडा सम्भव नरहेको बताउंदै आवश्यकता, औचित्य, सामर्थ र सम्भाव्यताका हिसाबले र भविश्यका हिसाबले समेत काभ्रेभन्दा अर्को राजधानीका लागि उपयुक्त ठाउँ छैन् । म त्यहाँका प्रतिनिधिका हिसाबले भनिरहेको छैन् । यो संसदले बनाएको समितिले पनि राजधानीका लागि काभ्रे नै एक नम्बरमा सिफारिस गरेको लम्सालले बताउनु भयो ।
हेटौंडालाई औद्योगिक सहर बनाउने विषयमा उपयुक्त स्थान भएको वताउंदै सांसद लम्सालले भन्नुभयो तर प्रशासनिक सेन्टर बनाउँदा सबै जनतालाई पाइक पर्ने ठाउँमै हुनुपर्छ । राजधानीको अडेस लागेर मुख्य मन्त्रीले सफल हुन्छु भनेर सोच्नुभएको छ भने त्यो दिवा सपना मात्र हो । त्यहाँ आग्रह पूर्वाग्रहमा राजधानि निर्णय गर्न दिदैनौ, न्याय र विवेकको निर्णय हुनेछ । न्याय र विवेकको निर्णय गर्ने हो भने संसदलाई छेक्न पाइदैन । किनभने संसद सार्वभौम हो र जनताका प्रतिनिधिहरुले निर्णय गर्ने ठाउँ हो । राजधानीको विषय टेको लगाएर सफल हुन्छु भनेर हाम्रो मुख्यमन्त्री र सभामुखले सोच्नुभएको छ भने त्यो गलत विषय हो । अहिलेको मुख्य सवाल राजधानी हेटौंडा राख्ने वा नराख्ने भन्दापनि संसदमा मतदान प्रक्रियामा लैजानुपर्छ बहुमतले राजधानी जाहां तोक्छ त्यही स्वीकार्य छ तर वाहानामा हेटौडा बनाउने बिषय स्वीकार्य नहुने सांसद लम्सालले बताउनु भयो ।
प्रभातफेरी अनलाईन
बनेपा नपा-५,राजदास मार्ग
९८५११२८४५०,९८४१४२८४५०
प्रा.फम द. नं.: ९६७९/०७६/०७७
सूचना विभाग दर्ता नं.: ८२०/०७४-७५
| संचालक : | प्रल्हाद शर्मा हुमागाईं सम्पर्क: ९८५११२८४५० |
| सम्पादक : | राज्यलक्ष्मी श्रेष्ठ सम्पर्क: ९८४१४२९९६५ |
0
